Den forma unanime, Parlamento a pasa e ley nobo di LAFt

ORANJESTAD – Cu 19 voto pro y 0 contra, den forma unanime, den un reunion publico maratonico, e ley nobo di LAFt a keda aproba pa 11’or di dialuna anochi den Parlamento. E tratamento di e ley a cuminsa algo despues di 2’or di merdia y a caba net despues di 11’or di anochi.  Cu esaki, e supervision financiero ta garantisa entrante 1 di januari 2024. Loke no a pasa tabata e mocion presenta pa AVP y RAIZ, esta pa crea un fondo cu lo mester ta un tipo di kwijtschelding despues. Esaki a keda rechasa cu 12 voto contra y 7 pro. Mester bisa si cu awor cu e LAFt a pasa, esey no kier men cu Aruba ta bin na remarke pa e porcentahe abou di e refinanciamento, pasobra ainda Aruba no a compromete riba nivel di gobierno pa un Rijkswet di e supervision financiero.