Oduber: Aruba tin casi 4000 propiedad di ‘vacation rentals’ registra

ORANJESTAD – Aruba conoce actualmente un total di  3805 “active unit listings” di propiedadnan marca como ‘Vacation Rentals’, di locual 1060 ta condominiums units y 2437 ta “los staande” units. Asina a keda determina recientemente durante un reunion riba e tema aki cu e asina yama Steering Committee Taskforce. Durante un presentacion di oficina di turismo di Aruba cu a laga haci un estudio pa por tin un miho bista di cuanto vacation rentals tin activo na Aruba y tambe ki variedad di vacation rentals tin na Aruba, a duna e informacion balioso aki. 

PROME TRABOU DI E COMITTEE

E prome tarea di e steering committee taskforce tabata pa traha un rapport di datosnan concreto pa asina Minister encarga cu turismo,Oduber y Gobierno por hiba un miho maneho relata na other accommodations. Segun e minister, ta hopi importante pa gobierno tin un bista amplio di tur other accommodations cu Aruba ta ofrece pa asina por tuma un data-driven approach.

REGULACION

Minister Oduber a splica cu ta hopi importante pa bin cu regulacion pa vacation rentals y asina crea un fair level playing field na Aruba. Gobierno ta bay regula esaki a base di un registracion, cu tur propietario cu tin un “listing” mester ta registra pa por opera nan vacation rentals.