Parlamento di Aruba ta trata ley nobo di LAFt awe merdia!

ORANJESTAD – Parlamento di Aruba ta trata e ley nobo di supervision financiero LAFt awe merdia. Asina presidente di Parlamento Edgard Vrolijk a confirma na Noticiacla awe mainta. E ta premira cu e ley lo pasa lihe, no obstante cu ta spera cu oposicion lo kier hiba palabra. E tratamento ta poni pa cuminsa despues cu caba cu e tratamento di presupuesto 2024 awe mainta. Manera ta conoci, Hulanda a condiciona Aruba pa haya interes abou, conforme e.o. e aprobacion di e ley di LAFt, pendiente pa e ley di Reino esta e RAFt. Hulanda ta ‘ok’ cu tin por lo menos un LAFt, pero ta sigui urgi Aruba pa aproba un ley di reino riba e tema aki. No ta asina cu pasobra tin un LAFt, ta deshaci di e idea pa un rijkswet. Asina e secretario di estado van Huffelen a sigura Noticiacla recientemente.