Cuerpo policial a organisa santo sacrificio pa resa e.o. pa polis accidenta Solognier

MACUARIMA -  Siman pasa Cuerpo Policial Aruba a organisa un Santo Sacrificio pa ricibi bendicion, sanacion y gradicimento. Eskai tabata pa entre otro tambe resa pa colega polis Rodney Solognier cu recientemente tabata envolvi den un accidente di trafico hopi serio. Ainda e ta luchando den hospital pa su salud. Tabata un momento pa para keto un rato y gradici Señora pa aña 2023 pero tambe haci un yamada di bendicion pa tur persona cu ta malo y coleganan policial cu ta sufriendo quebrante di salud y bringando pa nan salud. Altcomisario drs. Ramon Arnhem tambe a hiba palabra despues cu Pastoor Jairo Maduro a bendiciona e Cuerpo. Arnhem ta infoca cu den union como hermandad nos tin cu gradici pa un aña 2023 cu a bay bon pero tambe un aña cu   a perde algun colega. Alabes mester sigui brinda y resa pa tur nos coleganan cu tin problema cu salud pa nan por mehora y para fuerte bek, specialmente manera a bisa caba, pa Sr. Rodney Solognier. Cuerpo Policial Aruba a gradici tur persona cu a atende un bunita Santo Sacrificio y un momento di encuentro cu polis pensioena.