A rechasa permit atrobe pa rapper Rich Kalash presenta na Corsou

WILLEMSTAD -   E konosido rapprt y artista hopi gustá bou di nos hóbennan Rich Kalash, un bia mas no a haña pèrmit pa presentá aki na Kòrsou. Esaki a keda konfirmá pa representante di Kuerpo polisial Korsou sr Imro Zwerwer.  Ta di 2 bia ku ta rechasá e organisadónan pèrmit, pa trese e famoso rèper aki Kòrsou. 

Ta trata di un evento ku lo mester a tuma lugá dia 29 di desèmber próksimo huntu ku vários otro artista. Pero outoridatnan kompetente a rechasá e petishon aki un bia mas.

Esaki debí ku e organisadónan no por a presentá un bon plan di seguridat pa tantu e artista komo e públiko. Tur esaki relashoná ku e insidente ku a tuma lugá dia 4 di yüni  2022  na WTC.

Riba e dia ei, promé ku e show di Rich a kuminsá, deskonosínan a pasa basha bala na WTC  parti pafó, di kual bala a alkansá un miembro di seguridat  na su man.

Miéntras tantu ku outoridatnan tabata investigá e kaso ei, deskonosínan a bai kas di e mayornan di e organisadó e tempu ei i basha bala.

Tur esakinan tabata motibu sufisiente  despues di a evaluá, pa no bai di akuerdo pa e rèper aki su presentashon aki na Kòrsou i no kore e rísiko pa kosnan sali fo’i man.Ta konfirmá tambe ku e organisadónan a entrega un karta di opheshon na minister di hustisia relashona ku rechaso di e pèrmit. Riba ret sosial por a tuma nota ku e artista mes a saka un nota kaminda e ta splika su fanátiko nan ku el a bolbe keda rechasá pa haña pèrmit i ku e ta diskulpa su mes pa ku esaki.

Ta pendiente awor desishon riba e karta di opheshon ku organisadónan a entrega.NOTA: Texto ta scirbi den Papiamento fonetico di Corsou.