Aerolineanan arubano afecta pa ciere di aeropuerto Valencia

ORANJESTAD – Un total di 8 aerolinea, incluyendo esnan di Aruba, mester re ubica nan buelonan pa Venezuela, entrante mayan. E motibo ta cu lo cera e aeropuerto di Valencia, Arturo Michelena, pa finalisa trabou di rehabilitacion di e pista principal. Mirando cu e 8 aerolineanan aki ta uza e aeropuerto aki, mester a re dirigi nan pa otro aeropuerto pa e periodo di 3 pa 4 siman. Di Aruba, Insel Air y Aruba Airlines lo haya nan mes cu e problema aki. InselAir lo uza e aeropuerto di Barquisimeto, y Aruba Airlines lo opera solamente for di Maiquetia.

DURACION DI TRABOU

Segun e viceministro Hernandez Figueredo, e trabou lo dura 28 dia, pero e ciere ta pa 21 dia total. Ayera tabata e ultimo buelo di InselAir y Aruba Airlines y awe ta e ultimo dia di operacion local na Valencia. For di mayan, e aeropuerto lo ta sera.

REANUDA BUELO

For di 12 di juni proximo, lo bolbe e actividadnan pa e aeropuerto di Valencia, pero oficialmente avionnan lo cuminsa uza e aeropuerto dia 13 di juni.