Bruins: No tin risico mayor pa islanan ABC mei mei di tension entre Venezuela y Guyana

DEN HAAG – Minister di relacionan exterior Hanke Bruins Slot a sigura cu Aruba, Corsou y Bonaire no ta confrontando un risico eleva relaciona cu e tension aumentando entre Venezuela y Guyana. Asina e mandatario a contesta miembronan di fraccion di VVD di Tweede Kamer. Asina e portal Curacao Chronicle ta raporta.  

Adresando e preocupacion dentro di e cuadro di Union Europeo, pa loke ta e proxemidad di e teritorionan Caribense di Reino, e gobierno Hulandes a enfatisa cu ‘no tin rason pa asumi cu tin un risico aumenta relaciona cu e partinan Caribeño di Reino Hulandes’.  E gabinete ta monitor e situacion hopi di cerca, tin contacto cu varios partner regional di Reino, difundiendo informacion pertinente”. Reino Hulandes ta adapta un postura neutral riba disputa di frontera, wardando resolucion di Corte Internacional di Husticia, manera e caso di Essequibo. E ta haci un yamada na e estadonan pa respeta e decisionan tuma pa e Corte Internacional di Husticia”.