Boto cu a sali di Buchuaco pa Aruba cu nuebe integrante ta sigui perdi

BUCHUACO – Mientras cu autoridad di Aruba ta sigui busca mas victima y desaparecidonan di e naufragio na Vader Piet di dialuna, famianan di 9 desaparecido ta sigui preocupa e indigna cu e organo di seguriadd pa e ‘pasividad’ pa cu e emergencia aki. Un di e motibonan duna pa no por a haci nada, ta pasobra e autoridadnan tin ‘scarsedad di gasoline’ pa e botonan. Asina e portal cactus24.com.ve ta raporta diahuebs.  

FAMIANAN TA MENCIONA NOMBERNAN

Mientrastanto e autoridadnan ta bisa cu entre argumento di e naufragio, ta bisa cu e botonan lo a desvia pa e mareo y a wordo arastra pa otro rumbo y cu e famianan mester spera ‘lo peor’. Diaranson e famianan a los e nombernan di nan familiarnan perdi. Entre nan tin Adelys José Carrasquero Morales y su pariente Ismael José Reyes Carrasquero, cu ta di Charaima. Tambe tin José Antonio Velazco y Jairo Nicolás Velazco Galicia, de Pitahaya; Juan José Hurtado Vargas y Nelvis Leonel Carrasquero Reyes, di El Hato. Otro tres persona ta Gustavo David Lugo Rojas, Alexánder Antonio Córdoba Urbina y Luis Alexander Refunjol Maldonado. E familiarnan a pidi e gobierno regional y esnan di Zodi-12, Zodimainoc e Insopesca, y Consejos de Pescadores, pa apoya den e busqueda di e desaparecidonan.