Presidente di Corte Comun Mauritsz de Kort ta invitado di Noticiacla LIVE awe nochi

ORANJESTAD – Algo mas cu un aña despues cu e la keda huramenta como e Presidente di Corte Comun di nos islanan den Reino Hulandes, mr Mauritsz de Kort lo ta e ultimo invitado den e programa Noticiacla LIVE cu periodista Tito Laclé pa 2023. Tabata na September 2021 cu e decision a cay cu de Kort lo a reemplaza e presidente di e tempo ey Saleh, cu a dicidi di no sigui den e funcion. Na mei di 2022 oficialmente a huramenta de Kort den e funcion aki. Durante e programa awe nochi en bibo, lo trata varios tema cu ta referi na corte, su bida y tambe kico por spera proximamente den e seno hudicial na Aruba. Sigur un programa cu bo no kier perde. E ta cuminsa pa 9’or riba e plataformanan di Noticiacla, manera Facebook page, website y e app. E potret ta cortesia di Antiliaans Dagblad.