Tin dos candidato pa presidencia di Tweede Kamer: Bosma y van der Lee

DEN HAAG – E bataya pa presidencia di Tweede Kamer di Hulanda ta entre dos candidato, Martin Bosma (PVV) y Tom van der Lee (GroenLinks-PvdA). Ambos a anuncia cu nan tin hopi gana di bira e successor di Vera Bergkamp. Otronan por a meld te cu awe mainta, pero esaki no a sosode mas. Diahuebs tin un debate den Tweede Kamer riba e presidencia nobo. E ora e candidatonan por presenta nan mes y contesta pregunta di e fraccionan. Despues den forma anonimo, e miembronan di Tweede Kamer lo vota. Por tin por lo menos 4 ronda y si den cada ronda e candidatonan haya mes hopi voto, ta tira lot e ora pa wak ken ta haya e funcion. 

BOSMA Y VAN DER LEE

Bosma ta den Tweede Kamer desde 2006 y ta miembro hopi aña caba di e direcgtiva y a dirigi varios debate como vice presidente. Den 2016 y 2021 e la haci intento caba pa bira presidente pero ambos biaha e la cay venci. Van der Lee ta miembro di Kamer desde 2017 y tambe ta miembro di directiva di Tweede Kamer. E tabata antes hefe di informacion di GroenLinks y director di campaña di Oxfam Novib.