Prensa Venezolano: Tin 13 persona perdi di e tragedia riba laman

ORANJESTAD / FALCON – Conforme un compilacion di medionan Venezolano, e total di persona cu a disparce diadomingo pa dialuna marduga entre Aruba y Venezuela ta 13,  y unda a ‘identifica’ dos di e personanan cu a wordo haya ta drief dilanti costa na Vader Piet na Aruba. Loke por a compronde ta cu ta por lo menos dos embarcacion tabatin unda cu e prome a Sali di Cumaraguas, Peninsula di Paraguaná, estado Falcon rumbo pa Aruba. E di dos embarcacion tambe a sali di Paraguana. 

DI DOS EMBARCACION

Loke a raporta di e di dos embarcacion ta cu esaki a sali rumbo pa Aruba diasabra ultimo. Den e boto tabatin solamnente homber y mientras cu no tin e cantidad exacto, familiarnan di e piscadornan desapareci, tin entre 8 pa 10 homber. Famianan a bay na e guardia costera pa informacion unda cu nan a wordo bisa cu ‘pa falta di gasoline’ no a cuminsa cu e trabou di buskeda. 

DOS EMBARCACION

Bek pa e embarcacionan, uno tabatin 8 pa 10 persona, y e otro tabatin entre 15 pa 17 persona. Segun familiares cu tabata abordo di un di e botonan, e boto a dal contra barancanan na costa di Vader Piet.  

IDENTIFICACION

For di e medio Cronica Uno, ta mustra cu na Las Cumaraguass, ta circula foto di dos di e personanan cu lo mester tabata abordo di e botonan cu a naufraga. Entre nan tin Alexandra Lugo y e otro Maria Virginia Martinez, cu ta lider di e caya di Municipio di Falcon. Ambos tin yiu muher cu ta keda atras awor. E medionan di cual noticiacla a compila e informacion ta ‘Noticia al dia’, ‘Cronica Uno’, y ‘;Diario del region del Zulia’