Rapport di sondeo di Plasterk riba formacion di gobierno Hulandes ta contene tres problema

DEN HAAG – Mientras cu awe tardi ora di Hulanda, e ex minister y actual sondeador Ronald Plasterk ta entrega su rapport riba e sondeo haci pa cu formacion di un proximo gabinete, e resultado ta grandemente conoci. E conseho principal ta cu e formacion di gabinete mester cuminsa cu combersacionan entre partidonan  PVV, VVD, NSC y BBB riba tres posibel barera. Despues di esey, segun Plasterk, tin sentido pa sigui negocia.  Entre e bareranan, tin cu trata e kehonan di lider di NSC Pieter Omtzight riba partinan di e programa di partido PVV. Un di dos problema ta e temanan cu e partidonan ta haya importante. Y finalmente e forma di e gabinete. Si e ta un zakenkabinet, un gabinete di tolerancia of toch un gabinete tradicional. Plasterk ta entrega su rapport awe tardi 5’or di Hulanda. Y diaranson Tweede Kamer ta debate riba e resultado.