Fundacion Snoop Doggy cu poster pa concientisacion pa cu mascota relaciona cu klapchi

ORANJESTAD - No ta un secreto cu tira klapchi ta un tradicion di fin di aña riba nos isla. Mientras cu esaki ta duna nos un bunita show tur anochi, nos ta lubida tin biaha riba nos mascotanan cu no por papia of indica cu nan tin miedo di e zonido duro cu e klapchi ta causa. Cu es motibo, Fundacion Snoop Doggy a lansa su poster di fin di aña unda por lesa algun tip di con pa anda cu bo mascota durante e temporada kinan. E tipnan kinan lo hasi e temporada kinan uno mas trankilo y dushi pa bo mascota. Si ta desea di ricibi mas informacion por tuma contacto libramente na 568 6030 of via di nos facebook page: https://www.facebook.com/FoundationSnoopDoggy. Fundacion Snoop Doggy kier a desea henter pueblo di Aruba di awor caba un feliz cambio di aña y cu 2024 trese hopi felisidad, salud y mas amor pa otro y pa nos amigonan di 4 pia.