VIDEO: Van Huffelen ta coregi Premier Wever: Hulanda no a bin cu condicion extra pa LAFt

ORANJESTAD – Ningun momento Hulanda a pone extra condicion manera cu prome minister Evelyn Wever a bisa den su ultimo comunicado riba e acuerdo cu LAFt. Asina secretario di estado Hulandes Alexandra van Huffelen a confirma na periodista Tito Laclé den un entrevista exclusivo diaranson. Segun e mandatario Hulandes, ta Aruba mes a bin cu condicion, cual Hulanda, ‘no tabatin problema cu ne’. Ademas e mandatario Hulandes a confirma tambe cu mientras cu ta berdad cu nan ta mesa ‘ainda’, e tipo di declaracionan asina ta cansa y no ta bon. E entrevista completo ta disponible for di 9’or diahuebs anochi riba pagina di Noticiacla riba FACEBOOK y tambe Noticiacla su website y app.