Gerente nobo di San Diego Padres ta bin ‘te’ Aruba pa conoce Xander Bogearts

NASHVILLE — E gerente nobo di San Diego Padres, e ekipo di baseball den cual e Arubiano Xander Bogaerts ta milita, ta bay bishita varios hungador na nan lugar, incluyendo Bogearts. Diamars durante un reunion di invierno di Liga Mayor, e la bisa cu e ta bay bishita tres hungador awor den december. Juan Soto ta un di nan, Tatis, y Bogearts. Esaki kier men cu despues cu e bishita Tatis riba 18 y 19 di December, e lo biaha pa Aruba pa topa cu Bogaerts. E la bishita otro hungadornan durante entrenamientonan inicial desde cu e la asumi e funcion nobo di gerente recientemente. Ta interesante cu e ta bin te Aruba, pa topa cu Bogaerts y ta mustra e importancia cu Bogaerts tin. Mientras cu hopi lo no considera esaki un informacion importante, na Merca mientrastanto esaki ta noticia grandi cu tur medio importante ta cubriendo.