Turista adulto mayor ta bira malo den laman y ta fayece

ORANJESTAD - Diasabra mainta pa 11:42 central di polis a wordo notifica cu un persona lo a bira malo den lama na altura di Tres Trapi y cu no ta dunando señal di bida. A despacha un patruya di polis na e sitio di e sucedido y a pidi ambulance cu maximo urgencia. 

Na yegada di polis ta topa cu un grupo di persona na unda ta purba duna prome auxilio na e turista. 

Personal di ambulance a trata e turista pero lamentablemente no por a haci nada mas pe. 

Personal di Brandweer tambe tabata presente. 

Pa 1or dr Texier ta constata morto di e turista masculino I.I. nacionalidad mericano di 71 aña. Noticiacla y Cuerpo policial ta manda palabra di condolencia na famia di e fayecido.