Telecuracao a lanta plat awe. Trahadornan a bay den accion !

WILLEMSTAD - Personal di TeleCuraçao a akudí awe mainta tempran na sede di sindikato ABVO. E trahadónan tin inkietut relashoná ku desishonnan resien di parti di maneho di e planta.

Sekretario di direktiva di ABVO, Gregory Wilson ta konfirmá ku e trahadónan ta na sede di e sindikato. E lo reuní ku nan awe mainta pa tende kiko nan inkietut eksaktamente ta. Tambe tin un reunion plania mas lat awe mainta ku gerensia di e planta di televishon.

Wilson ta bisa ku a base di e reunionnan aki e ta spera di por trese gerensia i trahadónan huntu i yega na un solushon pa e situashon ku a surgi. Ta un situashon bastante delikado i mester tene kuenta ku diferente aspekto den esaki.

Konsekuensia di e akshon di awe mainta ta ku no tabatin e programashon normal di TeleCuraçao ku transmishon di e programa Moru Bon Dia. NOTA: Texto ta scirbi den Papiamento fonetico di Corsou.