- Croes: Salario minimo ta surpasa 2000 florin pa luna na januari 2025
- Papa Francisco ta kere cu Trump i Harris “ tur dos ta contra bida”
- Polis ta adverti pa 'postnan' violento y sexual riba Instagram
- Aruba a conoce un otro miyonario cu Lotto!
- Ainda e ganador di premio miyonario di Lotto di juli 2024 di AFL 1.650.000 no a cobra su premio!
Na Corsou a tira homber mata den porta di su cas diaranson anochi
WILLEMSTAD - Ayera nochi polis a keda dirigí pa Kaya Tamburero na Kirindongo Abou kaminda tabatin un kaso di tiramentu. Tur kos tabata indiká ku tin un hòmber den un kas, ku herida di bala i tabata sangra bastante.
E promé unidat di polis ku a yega na e sitio a topa ku un situashon di basta tenshon, un hòmber drumi abou i enbèrdat tabata sangra. For di e momentu ei a nota ku e no tabata duna señal di bida.
A pidi asistensia di ambulans ku tambe a presentá, pero ya no por a hasi nada mas pa e víktima.
Informashonnan preliminar ta indiká ku e tirunan a sali for di un outo Hyundai blanku, sin plachi number i glas di outo pretu. E víktima a kaba di yega for di Hulanda algun dia pasá ku intenshon pa huntu ku algun amigu habri un negoshi di pela parse. Ayera anochi el a yega kas pa e drenta kue algu i sali bèk. Ora el a sali el a topa ku e persona (nan) ku a basha bala riba dje. Na momentu ku el a haña bala, el a kore drenta kas bèk i kai abou.
E outo Hyundai blanku ei parse tin algun dia kaba ta rondia den área di e kaya aki i komo e tin glas hopi skur, el a hala atenshon.
Un outo pará dilanti di e kas tambe a haña 3 perforashon di bala i polisnan a konfiská esaki pa investigashon.
Dòkter di polis a presentá na e sitio i a konstatá morto. Identidat di e víktima no a keda revelá pa polis ainda, ounke e ta konosí pa nos, pero nos ta warda pa por hañ’é ofisialmente di polis. Loke si por bisa ta ku e víktima aki aña pasá a hañ’é den man di hustisia na Kòrsou, na momentu ku bolita lo a rementá den su stoma na airopuerto, pone bira basta histériko. E tabata den korte i despues el a regresá Hulanda.
Ta algun dia pasá el a bin Kòrsou bèk i bin topa ku su morto di un forma kruel.
Polis ta hasi apelashon riba komunidat, hendenan ku por a mira loke a pasa pa yama polis i duna informashon pa por solushoná e kaso aki. NOTA: Texto ta scirbi den Papiamento fonetico di Corsou.
Na Corsou casi 23.500 automobilista no a paga impuesto di vehiculo di motor of a paga esaki parsialmente
WILLEMSTAD - Kasi 23.500 outomobilista no a paga impuesto (“motorrijtuigenbelasting”) òf a paga esaki parsialmente. Esaki por a komprondé for di sifranan ofisial di Ontvanger.
Hospital di Corsou (CMC) ta bai ricibi Nafl. 252 miyon di gobierno den 4 aña
WILLEMSTAD - CMC ta bai risibí un total di 252 mion repartí den kuater aña. Gobièrnu ta informá ku pa garantisá kontinuidat di kuido den CMC i pa protehá salubridat públiko, a inkluí kontribushonnan finansiero adishonal (spesífikamente destiná pa CMC) den e presupuesto nashonal pa 2025 (i pa mas aña) di akuerdo ku e siguiente relato kompañá ku tabèl:
MFK a forma acuerdo di gobernacion cu partnernan nobo KEM y Jesus-Leito
WILLEMSTAD. – Despues ku Partido Movementu Futuro Kòrsou (MFK) resientemente a ekspresá ku nan no tin konfiansa mas den nan partner di koalishon Partido Nashonal di Pueblo (PNP), ayera tabata dje leu ei ku Partido MFK, Partido Kòrsou Esun Mihó (KEM) i e miembro independiente Zita Jesus-Leito, a firma un programa di gobernashon ‘Na kaminda pa rekuperashon i un mihó kalidat di bida pa e siudadano.’ E akuerdo aki a bira realidat despues ku KEM i Jesus-Leito a ekspresá nan apoyo na partido MFK.
Awe ta firma anexo riba programa di gobernashon gabinete Pisas II
WILLEMSTAD - Partidonan MFK, KEM i miembro independiente di parlamento Zita Jesus-Leito ta firma awe 9 sèptèmber (“addendum”) riba e programa di gobernashon di gabinete Pisas II. E akto di firmamentu ta tuma lugá na Curaçao Marriott Beach Resort i ta kuminsá 4 or di atardi. Den e anekso aki ta pone e kondishonnan di KEM i Jesus-Leito pa nan duna nan sosten na e gabinete.
Na Corsou un homber a keda likida despues di a dal dama wanta
WILLEMSTAD – Ayera den oranan di anochi alrededor di 9 or, sentral di polis a haña informashon di un posibel kaso di asesinato ku a tuma lugá den Cocolodeweg Montaña na altura di toko Xing Dai.
Na Corsou, negosacion pa acuerdo di gobernacion ‘nobo’ canando positivo
WILLEMSTAD - Partidonan MFK, KEM i miembro independiente di parlamento Zita Jesus-Leito a reuní djárason 4 sèptèmber riba e anekso (“addendum”) na e akuerdo di gobernashon di gabinete Pisas II. Den e anekso aki ta pone e kondishonnan di KEM i Jesus-Leito pa nan duna nan sosten na e gabinete.
Follow NoticiaCla
