Dowers: No mester tin confusion riba e asunto di RHD

ORANJESTAD – No ta berdad cu hendenan cu tin auto cu stuurwiel man drechi (Right Hand Drivers) tin cu baha nan auto for di caminda mesora pasobra lo tin un ley cu ta bisa esey. “Tin masha bruhacion awor. Ta un concepto tin riba cual ta wardando conseho. Y ora cu e conseho ey drenta, ta tuma accion”, e minister di husticia Arthur Dowers a clarifica na NoticiaCla.com awe mainta. E mandatario ta na altura di e reaccion grandi cu a drenta unabes cu e noticia a plama.

HOPI REACCION

E mandatario ta conciente cu tin masha hopi hende cu tin e tipo di auto akinan, y tambe ta conciente cu tin e polemica cu hendenan ta pensa cu e auto no mester tey y otronan ta pensa otro. Pesey a publica antemano cu tin intencion pa stop e autonan aki di core, pero no cu ta asina cu awor caba tin un prohibicion. E mandatario a haya hopi reaccion personalmente di hende cu a acerca cu preocupacion, indicando cu nan mester di nan auto RHD ‘pa hiba mucha scol, y pa no kita e auto pasobra e ta mi manera di yega trabou etc etc. E mandatario ta haya e discusionnan un bon forma cu tin comunicacion riba e tema aki awo. E mandatario ta compronde cu e hendenan cu tin e auto aki y no perde nan inversion.

LECTURA RHD

Dowers a tuma nota di e presentacion di awe nochi di e grupo di doño di e autonan aki. E la palabra tambe cu un representante di nan, cu lo bin cu un comision pa papia cu e mandatario pa sigui discuti riba e tema. E ta kere cu ta hopi importante pa pensa realisa cu hopi hende ta dunando nan input riba e risiconan cu tin riba e topico aki, y tambe cu tin su voordeel riba e caso aki.