- Croes: Salario minimo ta surpasa 2000 florin pa luna na januari 2025
- Papa Francisco ta kere cu Trump i Harris “ tur dos ta contra bida”
- Polis ta adverti pa 'postnan' violento y sexual riba Instagram
- Aruba a conoce un otro miyonario cu Lotto!
- Ainda e ganador di premio miyonario di Lotto di juli 2024 di AFL 1.650.000 no a cobra su premio!
Na Corsou a cera tata y yiu pa traficacion di hende
WILLEMSTAD - Un entrada hudisial dia 24 di òktober a kondusí na dos detenshon. Ta trata di tata i yu A. Nan a keda yamá ayera pa polis pa presentá kaminda interogashon a tuma lugá i segun a komprondé tambe a detené nan. E sospecho ta falsifikashon di dokumento i trafikashon di hende.
Un kontròl grandi den konstrukshon di hotèlnan na Otrobanda dia 24 di òktober, a kondusí na 4 diferente entrada hudisial. E tim multidisiplinario konsistiendo di Marechaussee, SBAB, SVB, SOAW, MEO, RST, i Brantwer a tene un mega kontròl na dos diferente hotèl den área di Otrobanda.
Durante di e kontròl aki, a topa algun persona indokumentá ku tabata trahando den konstrukshon na e hotèlnan aki sin tin e pèrmitnan nesesario. Nan a keda detené i transladá pa e Departamento di Imigrashon ku a sòru pa nan enkarselashon pendiente di nan deportashon. Alabes riba e mesun mainta bou di guia di wes komisario i fiskal di Ministerio Públiko, a tene kuater entrada hudisial na e.o. un adrès na Sunset Height, dos kas i un kantor den área di Suffisant. Ta trata aki di kas i ofisina di un di e sospechosonan.
Polis ta informá ku kontinuando ku un investigashon relashoná ku e kaso di trafikashon di hende i falsifikashon di dokumentunan ku a tuma lugá den luna di òktober 2023, polis a hasi detenshon.
Ayera den kareda di kuartu pasá di 10 di mainta, e dos hòmbernan sospechoso akí a bin mèldu nan mes boluntariamente na warda di Reshèrshi i riba òrdu di Ministerio Públiko nan a keda detené.
Ta trata di e hòmbernan sospechoso S.J.A., di 33 aña di edat (kantante) i E.G.A., di 63 aña di edat (eks bosero di brantwer) ámbos nasé na Kòrsou, (Tata i yu) pa e kaso ariba menshoná. A presentá e sospechosonan dilanti un fiskal ouksiliar ku a ordená nan enkarselashon pendiente di mas investigashon.NOTA: Texto scirbi den Papiamento fonetico di Corsou.
Na Corsou casi 23.500 automobilista no a paga impuesto di vehiculo di motor of a paga esaki parsialmente
WILLEMSTAD - Kasi 23.500 outomobilista no a paga impuesto (“motorrijtuigenbelasting”) òf a paga esaki parsialmente. Esaki por a komprondé for di sifranan ofisial di Ontvanger.
Hospital di Corsou (CMC) ta bai ricibi Nafl. 252 miyon di gobierno den 4 aña
WILLEMSTAD - CMC ta bai risibí un total di 252 mion repartí den kuater aña. Gobièrnu ta informá ku pa garantisá kontinuidat di kuido den CMC i pa protehá salubridat públiko, a inkluí kontribushonnan finansiero adishonal (spesífikamente destiná pa CMC) den e presupuesto nashonal pa 2025 (i pa mas aña) di akuerdo ku e siguiente relato kompañá ku tabèl:
MFK a forma acuerdo di gobernacion cu partnernan nobo KEM y Jesus-Leito
WILLEMSTAD. – Despues ku Partido Movementu Futuro Kòrsou (MFK) resientemente a ekspresá ku nan no tin konfiansa mas den nan partner di koalishon Partido Nashonal di Pueblo (PNP), ayera tabata dje leu ei ku Partido MFK, Partido Kòrsou Esun Mihó (KEM) i e miembro independiente Zita Jesus-Leito, a firma un programa di gobernashon ‘Na kaminda pa rekuperashon i un mihó kalidat di bida pa e siudadano.’ E akuerdo aki a bira realidat despues ku KEM i Jesus-Leito a ekspresá nan apoyo na partido MFK.
Awe ta firma anexo riba programa di gobernashon gabinete Pisas II
WILLEMSTAD - Partidonan MFK, KEM i miembro independiente di parlamento Zita Jesus-Leito ta firma awe 9 sèptèmber (“addendum”) riba e programa di gobernashon di gabinete Pisas II. E akto di firmamentu ta tuma lugá na Curaçao Marriott Beach Resort i ta kuminsá 4 or di atardi. Den e anekso aki ta pone e kondishonnan di KEM i Jesus-Leito pa nan duna nan sosten na e gabinete.
Na Corsou un homber a keda likida despues di a dal dama wanta
WILLEMSTAD – Ayera den oranan di anochi alrededor di 9 or, sentral di polis a haña informashon di un posibel kaso di asesinato ku a tuma lugá den Cocolodeweg Montaña na altura di toko Xing Dai.
Na Corsou, negosacion pa acuerdo di gobernacion ‘nobo’ canando positivo
WILLEMSTAD - Partidonan MFK, KEM i miembro independiente di parlamento Zita Jesus-Leito a reuní djárason 4 sèptèmber riba e anekso (“addendum”) na e akuerdo di gobernashon di gabinete Pisas II. Den e anekso aki ta pone e kondishonnan di KEM i Jesus-Leito pa nan duna nan sosten na e gabinete.
Follow NoticiaCla
