VIDEO: Van Huffelen preocupa cu PVV no ‘gusta’ islanan CAS y BES

DEN HAAG – Secretario di estado demisionario Hulandes pa asuntonan di Reino Alexandra van Huffelen ta preocupa cu e partido cu a gana eleccion di Tweede Kamer, esta PVV no ‘gusta’ nos islanan. Specificamente e la bisa cu PVV ‘no tin un curason caluroso’ pa nos islanan, cu ta nifica cu e no ta gusta nos islanan. E mandatario no a sconde su preocupacion y a comparti esaki awe mainta durante un encuentro cu prensa di islanan CAS y BES.