Van Huffelen riba eleccion Tweede Kamer: “ Mi ta spera loke nos a construi hunto keda vigente!”

DEN HAAG – “E resultado di eleccion (di Tweede Kamer:red) a sorprende hopi di nos” tabata e prome reaccion di secretario di estado Hulandes Alexandra van Huffelen pa noticiacla.com diahuebs merdia. “ E partidonan cu a gana, awor ta poni pa forma e gobierno. E mandatario a sigui pa repasa tur loke a keda cla durante e 1 aña y mei cu e tabata den su funcion actual. Entre nan, e creacion di e ‘onderlinge regeling, entrada pa e groeifonds, y placa pa transicion di energia. “Ademas recientemente ainda e aumento di salario minimo den Caribe Hulandes y e palabracionan gubernamental cu Saba y Sint Eustatius (riba combatimento di pobresa, economia, vivienda, naturalesa y insfrastructura). “Mi ta spera cu loke nos a construi hunto de un aña y mei, keda vigente” e mandatario a bisa. “Tanten cu ami ta secretario di estado demisionario, mi lo sigui compromete mi mes pa un bon cooperacion cu e parti Caribense di Reino, basa riba confiansa y respet” e mandatario a finalisa bisando.