Victoria aplastante di Wilders tin diplomaticonan na Bruselas nervioso

Victoria aplastante di Wilders tin diplomaticonan na Bruselas nervioso

Posted on 11/23/2023 9:34 am AST | Updated on 11/23/2023 9:35 am AST

BRUSELAS – E victoria aplastante di e anti Europeo Geert Wilders diaranson, ta wordo considera como un pesadia na Bruselas. Pero pa un isolacion, Hulanda no mester preocupa. Mas y mas pais Europeo ta haciendo un cambio pa e parti derechista, y encuestanan ta mustra cu por lo pronto lo no tin un cambio den e trend aki.  

NEXIT

E deseo pa un Nexit (saca Hulanda for di Union Europeo) tin Bruselas ta tembla segun e portal Hulandes NOS. E circulo di ambtenaar Europeo y diplomatico, pa medio di prensa internacional a wordo informa caba cu e tono di Wilders a bira mas suave riba e tema di Islam. Pero nan no por a mira un postura trankil pa cu Bruselas pa loke ta Wilders. Mes momento, ta bisa cu un Nexit no tin exito politico. PVV na Hulanda ta para su so riba e tema aki. Pero, pa un acercamento mas critico di e poder di Union Europeo, Wilders por haya sosten cerca NSC y BBB. 

  • Powered by SETAR