Eman: Bon noticia cu gobernador a firma presupuesto

ORANJESTAD – “Un bon noticia cu gobernador di Aruba a firma e presupuesto (2015)”. Prome palabra di prome minister Mike Eman despues di su audiencia cu gobernador Refunjol awe merdia. “Nos comunidad por ta hopi trankil cu nos tin un presupuesto a 2015. E ta un presupuesto cu cumpli cu e normanan cu nos a concorda paden y pafo di Reino cu institutonan financiero” Eman a sigui bisa NoticiaCla.com. Segun Eman, e presupuesto firma, ta cumpli cu e norma di -3.7%. E mandatario a confirma cu ta trahando awor riba presupuesto 2016 y pa yega e norma di 2% e ora ey tambe. E mandatario ta contento cu e presupuesto firma ta trece un trankilidad financiero y stabilidad di inversion hopi importante pa pais Aruba.