Lopez-Tromp: E periodo di formacion (di gobierno Hulandes) ta bai ta interesante

ORANJESTAD – “Tawata visto fei basta tempo cu tin un tendencia na Hulanda pa un ' verrechtsing' den pueblo y politica hulandes” tabata e prome reaccion di lider di partido politico MAS, Marisol Lopez Tromp pa noticiacla diaranson anochi. Segun Lopez Tromp, gobierno aya a cai pa motibonan di haber cu e.o.  migratie y por a wak cu mas y mas e pueblo kier atencion y accion pa nan propio problemanan y necesidadnan y derechonan den Hulanda mes. “E periodo di formashon ta bai ta interesante” Lopez Tromp ta sigui bisa.

RELACION DEN REINO 

Lopez ta recorda cu pa loke ta nos relacionnan den reino, luna pasa cu nan tawata na Sint Maarten pa nan reunion Tripartite entre Sint Maarten, Corsow y Aruba y e la trece dilanti durante discusion riba entre otro e tema di supervision financiero y RAFT y ' autonomia' y relacionnan den Reino Hulandes etc, cu nos mester tene bon cuenta cu e eleccion venidero na Hulanda ta indicando cu lo por bin un Gobierno mas derechista. Y cu nan pasenshi y tolerancia lo por bai ta menos cu cada vez Gobierno di Aruba ta keda pospone desicionnan financiero cu nos mes mester (a) tuma masha tempo caba y cu nos mester ta accountable y  responsabel pa esakinan. “Foi aña pasa tambe varios politiconan di Tweede Kamer tawata pone enfasis riba ' nan placa di pagado di belasting Hulandes' cu nos pais(nan) a fia y cu nan tambe tin cu responsabilisa nan mes cu nan votadornan na Hulanda” Lopez Tromp a sigui bisa. Segun e lider di MAS, e campaña electoral tawata tin puntonan resaltante di algun partido enfatisando e problematica grandi di falta di vivienda na Hulanda y tambe e enfasis por ehempel pa baha e cantidad di studiantenan internacional, mientras cu te cu recien nan tawata  stimula esaki, etc. “Ban wak e desaroyonan den e tempo nos dilanti” Lopez Tromp ta finalisa bisando.