Ras: Pa partido CURPA, resultado di eleccion na Hulanda no ta sorpresa!

ORANJESTAD – “Na prome lugar nos di partido Curpa kier a felicita PVV di Wilders cu e victoria” tabata e prome reaccion di partido CURPA di Eric Ras. “ Pa nos di partido Curpa e resultado no ta un sorpresa pa motibo cu pueblo Hulandes ta fada cu e open border policy”. Locual cu e resultado aki lo trese pa CAS segun Ras, ta cu e partidonan den gobierno no lo bai tin e facil. Mundialmente pueblonan a cuminsa rechasa gobiernonan socialista. “ Nos por (mira)esaki na Ecuador y Argentina ultimamente. Esaki ta hasi e plan globalista Sustainable Development Goals a cuminsa cai den otro”. “Nos di partido Curpa ta spera cu pronto nos gobierno di mas malo den historia di Aruba bai cas pa asina duna pueblo e derecho pa bai urna electoral cu e speransa pa un cambio na bienestar di nos pueblo. Partido Curpa e unico alternativa” Ras a finalisa bisando.