KABGA: Gobernador a firma presupuesto 2015

ORANJESTAD – Gobernador Freddis Refunjol a firma e presupuesto 2015, y awor e ta bay College Financieel Toezicht pa un controle. For di gabinete di gobernador, NoticiaCla.com a haya e confirmacion awe merdia, y cu tur cos ta ok. Normalmente e no ta un noticia, cu gobernador ta firma un presupuesto di pais Aruba. Pero for di aña pasa, esey ta diferente y como tal e aña aki, tur wowo tabata riba gobernador unabes cu parlamento a trata e presupuesto y aproba esaki tambe.

CFT

Diferente cu normal tambe, y conforme e protocol firma reciente, enves di mande pa DWJZ pa e wordo atendi y publica como un ley, e ta bay CFT prome pa nan scrutina esaki y mira si mester añadi mas cambio na dje, no obstante e hecho cu e ta firma.

APROBA

E presupuesto a keda aproba siman pasa diaranson marduga, y a cuminsa cana su proceso pa e keda formalisa den un ley. Awe e parti di firmamento pa gobernador a tuma lugar, pa despues sigui pa CFT.