Interes inicial ainda awe pa vota na Hulanda tabata pober

DEN HAAG – Un total di 13.1 miyon Hulandes por vota awe den eleccion pa Tweede Kamer, cu ta 93% di e poblacion di 18 aña of mas. Nan por vota riba 26 partido cu ta participa riba e eleccion di cual tin 1126 candidato y tin te 9’or ora di Hulanda pa vota. Tin 20 partido cu por participa den tur districto mientras cu 6 partido no por participa den tur districto. Mes momento a raporta cu e porcentahe di votador tabata menos te cu merdia. E ta dificil pa compara cu 2021 ya cu eynan tabatin medida di Covid unda cu tabata por a vota durante tres dia. Lidernan politico tur a vota prome cu merdia caba. Na 2021 78,8% di e poblacion votador a eherce nan derecho.