Gobierno ta lansa campaña di microchipping mascotanan den December

ORANJESTAD – Gobierno ta lansa un campaña di microchipping di mascotanan. Asina minister encarga cu e departamento aki, Ursell Arends a bisa e siman aki. “Nos ta drentando den e temporada di fin di aña, cu ta un periodo alegre pa mayoria di nos hendenan, pero ta un periodo di tortura y miedo pa nos animalnan. Nos ta lansa nos campaña di microchipping atrobe pa garantisa e siguridad di nos mascota durante e celebracionnan di fin di aña” e la biusa. Segun e mandatario, e medida aki ta manifesta e compromiso di Ministerio di Naturalesa pa sigui garantisa e siguridad y bienestar di nos mascota den tur ocasion.