O.M. ta persiguiendo mas di 30 persona pa matrimonio falso

O.M. ta persiguiendo mas di 30 persona pa matrimonio falso

Posted on 11/20/2023 9:00 pm AST | Updated on 11/20/2023 9:07 pm AST

ORANJESTAD – Ministerio Publico dialuna atardi a confirma cu no menos cu 30 persona ta wordo persigui pa matrimonio falso. E caso a haya e nomber di Abielu,cu principalmente ta contra e homber O.A.T.H. kende recientemente a wordo condena pa un castigo di prison di 5 aña pa motibo cu el a traha actanan di matrimonio falso riba gran escala, a haya un rabo.

MAS HENDE DEN CORTE

Awe 20 di November 2023 un total di 17 sospechoso a presenta den Corte riba acusacion di matrimonio falso. Tur e personanan aki a acerca O.A.T.H. na algun momento den e ultimo 7 añanan, pa falsifica documentonan di matrimonio. E documentonan aki tabata wordo entrega na Censo, tin biaha hasta acompaña pa potretnan falso di matrimonio, y tabata wordo inscribi como si fuera nan tabata di berdad.

Dor di investigacion di Censo y polis, e matrimonionan falso a bin sali na cla. Riba 27 di November venidero otro 15 sospechoso lo mester presenta dilanti Corte relaciona cu e caso aki.

META DI MATRIMONIO FALSO

E meta di un matrimonio falso ta hopi cla, segun OM. Dor di un matrimonio cu un persona cu tin permiso di estadia of cu tin nacionalidad Hulandes, e pareha tambe ta haya su estadia. Envez di pidi estadia, hendenan cu no tin permiso di estadia por haya, cu un matrimonio falso, nan permiso liber (permiso di estadia pa tempo indefini) mucho mas rapido.

Censo lo scrap tur e matrimonionan falso aki. Lo keda na Dimas pa cambia of kita e estadia di e sospechosonan.

PERHUDICA SISTEMA DOOR DI ESTAFA

Dor di estafa Pais Aruba, e sospechosonan aki a perhudica e sistema di un maneho husto di stranheria. 

E consecuencianan pa Pais Aruba ta grandi. Banda di e matrimonionnan falso, e actanan di nacimento y di divorcio tambe mester wordo kita, awor cu a resulta cu e informacion riba e actanan ey tambe ta falso. Tambe eroneamente a paga premienan y a duna pagonan (manera pension) na hendenan cu no tabatin derecho riba esakinan.

CASTIGO HALTO EXIGI 

Pa e motibo ey fiscal di husticia a exigi castigonan di prison contra e sospechosonan. Corte a sigui Ministerio Publico pa gran parti den esaki y a duna castigonan di prison di entre 3 y 6 luna di tempo. Censo y Ministerio Publico no ta exclui cu mas matrimonio falso lo keda descubri.

 

  • Casonan di Corte den Prome Instancia na Aruba a aumenta den 2023

    Casonan di Corte den Prome Instancia na Aruba a aumenta den 2023

    ORANJESTAD - Den aña 2023, e cantidad di caso den prome instancia na Aruba a aumenta un poco compara cu e dos añanan anterior. Esaki segun e cifranan presenta diabierna pa Corte durante nan presentacion di cifranan annual pa 2023.  E entrada no ta na nivelnan pre-Covid (2018-2019) ainda, pero e cantidadnan di entrada for di Derecho Civil (4%) y Penal (5%) a aumenta na 2023. E total di casonan di Ley Administrativo a baha cu 28% despues di un aumento enorme den e ultimo añanan. E bahada aki ta atribuibel principalmente na e afluencia di casonan di impuesto.

  • Hof a absolve cuater sospechoso completamente di nan castigonan den caso Avestruz awe

    Hof a absolve cuater sospechoso completamente di nan castigonan den caso Avestruz awe

    ORANJESTAD – Den Corte di apelacion pa loke ta e caso penal Avestruz, cuater sospechoso, Nuñez, Werleman, Mansur y Harms a tende cu nan a keda completamente absolve di e loke tabata acusa nan di dje. E cargonan contra nan, no tabata sea suficiente pa condena, of no a proba suficiente cu a comete algo ilegal of inusual. Esaki pasobra e situacion ta poni cu den comparacion cu otro situacion y caso, tambe no ta actua contra esaki. Pa e sospechosonan en cuestion, sigur esaki ta bin como un alivio, mirando cu por lo menos dos di nan, Werleman y Nuñez, a keda sentencia na un castido di prizon di 2 aña di cual un aña condicional y un multa di 25 mil florin. Harms, a keda condena na 80 ora di trabou comunitario y un multa di 50 mil florin. Tur esaki Hof a bari for di mesa. Mientras cu pa e grupo aki, e ta bon noticia, nan tin cu warda 2 siman pa wak si Ministerio Publico ta bay apela e sentencianan aki. Si esaki no sosode, e sentencia ta bira definitivo. Pa e sentencianan respectivo, click riba e famnan di e sospechoso MANSUR, HARMS, WERLEMAN, NUÑEZ

  • Hof a aumenta castigo di prizon di sospechoso Sussebeek den caso Avestruz

    Hof a aumenta castigo di prizon di sospechoso Sussebeek den caso Avestruz

    ORANJESTAD – Un di e personanan den caso penal Avestruz, considera como un di e sospechosonan principal, P. Sussebeek a tende Hof diabierna merdia aumenta su castigo di prizon cu por lo menos 8 luna. Hof a bisa cu e comerciante di 65 aña a wordo condena na 30 luna di prison, di cual 10 ta condicional, pa soborna e minister di e tempo ey door di paga pa hekwerk, paisahe y ekipo di gym. Corte no ta kere cu ta minister mes a paga e sumanan aki na e comerciante, pasobra e sospechosonan a duna splicacion hopi diferente riba esaki. E benta di e compania di e empresario, cu a obene un derecho di opcion riba un tereno di dominio pa medio di e soborno aki, a genera mas cu 1.3 miyon dollar. E montante ei lo wòrdu elimina. E castigo ta wordo reduci cu e tempo cu e la sinta den aresto preventivo. Pa e sentencia, click AKI

  • Hof a mantene sentencia den Caso Avestruz contra sospechoso Arends, pero a elimina e multa

    Hof a mantene sentencia den Caso Avestruz contra sospechoso Arends, pero a elimina e multa

    ORANJESTAD – Corte di apelacion (Hof) diabierna a mantene e sentencia anterior di Corte di prome instancia contra sospechoso L. Arends, dictando 24 luna di castigo di prizon, di cual 12 ta condicional cu un tempo di prueba di 3 aña. E diferencia ta cu Hof no a haya necesario pa duna Arends un multa (di 50 mil florin) manera cu a keda sentencia den Corte di prome instancia. Segun Hof, Arends di 67 aña a wordo condena pa defrauda e pais. Corte ta considera proba cu e (hunto cu Sevinger) a conspirapa adkeri derechonan di huur atraves di e companianan di e dama, mientras cu no tabatin intencion pa desaroya e tereno en cuestion nan mes. Door di pone e companianan aki - como un casca bashi - entre e minister como opcion y dunado di huur y e desaroyadornan real di e terenonan, e desaroyadornan aki mester a paga montantenan considerablemente mas halto kcu lo tabata e caso sin e intervencion di e companianan akii. Segun Hoif, Arends tambe a soborna e minister door di pag’e for di e ganashi di benta di un di su companianan, y e minister a acepta e pago aki. Ambos tambe ta condena pa esaki segun Hof.

  • Hof a aumenta castigo di prizon pa ex minister Sevinger cu 36 luna den caso Avestruz!

    Hof a aumenta castigo di prizon pa ex minister Sevinger cu 36 luna den caso Avestruz!

    ORANJESTAD – Awe merdia ex minister Benny Sevinger a tende Hof aumenta su castigo di prizon anterior den caso penal Avestruz cu no menos cu 36 luna. Contrario na Corte di prome instancia, Hof si a haya proba cu Sevinger a abusa di su confiansa y a laga su mes wordo cumpra, door di por lo menos dos sospechoso, esta L. Arends y P. Sussebeek. Den e sentencia anterior, huez a ‘solamente’ haya Sevinger culpable di a abusa di su fundacion door di usa fondo di esaki. E biaha aki Hof a wak e acusacionan diferente y como tal a aumenta e castigo severamente ‘pa manda un mensahe serio’ cu esaki no por.  E ex-minister ta wordo condena mas aleu pa acepta e hekwerk, irigacion di cura, y gym di e empresario. E ex minister finalmente ta wordo condena pa malversa un suma di mas di Afl 11.000 for di e Fundacion cu a recauda y maneha e fondonan pa su eleccionnan. E placa aki a wordo gasta na un biahe priva pa su casa. E minister ta keda absolvi di un otro sospecho di fraude y di dos otro sospecho di soborno. E ex-minister a wordo condena na 48 luna di prison (36 luna extra) , di cual 12 ta condicional, cu un tempo di prueba di tres aña. Tampoco e no mag di wordo eligi of traha como ambtenaar pa cinco aña.

  • Sentencia completo di Corte Supremo riba habrimento matrimonio mesun sexo pa Aruba

    Sentencia completo di Corte Supremo riba habrimento matrimonio mesun sexo pa Aruba

    DEN HAAG - E dos decisionnan di Corte Conhunto di Husticia di Aruba, Curaçao, Sint Maarten y di Bonaire, Sint Eustatius y Saba di 6 di december 2022, pa habri matrimonio cu personanan di e mesun sexo na Aruba y Curaçao, por wordo sosteni. Corte Supremo a dicta esaki awe mainta ora di Aruba. 

  • Powered by SETAR