- Recherche noord cu detencion den caso di posesion di arma di candela
- Diasabra vuelo inaugural di Peru cu LATAM Airlines ta yega Aruba
- Embahador di Reino Hulandes na Peru impresiona cu e forsa di marca Aruba na Peru
- Minister Ursell Arends a desvela prome stacion publico pa carga auto electrico na Aruba
- VIDEO: Minister Wever: Unico cos cu kizas por haci, ta na e suma cu DUCAPRO kier cobra pa toca musica
Na Corsou, boticanan ta bisa cu awor si ta basta!
WILLEMSTAD - E asosashon di doñonan di botika VAE ta preokupá ku e sektor di botika den 2023 i ke sa si tin perspektiva. Tirando un bista riba e kambionan ku a kuminsá for di 2001, na momentu ku a introdusí e areglo di resèpt RRV por bisa ku esaki no a keda revisá ni adaptá miéntras ku a ehekutá diferente bahada den gastunan den e maneho di kuido serka SVB pa e poblashon di Kòrsou i konsekuentemente el a nifiká pa e entrada di e sektor di botika.
Den último 10 aña a hasi promesanan for di gobièrnu pa oumentá e areglo di resept, pero esaki no a keda adaptá.
Echo ta ku un kontrakt konforme e Landsverordening Basisverzekering mester keda firma for di 2013 entre SVB i Botikanan i kada dos aña mester revisá esaki. Pero lamentablemente esei nunka a sosodé. Aktualmente, VAE ta den negoshashon ku Ministerio di Salubridat pa esaki. Pa su realisashon, na òktober 2023 a informá botikanan ku nan mester sinta na mesa awor ku SVB i e Outoridat di Kuido di Kòrsou (ku ta krea), kontrali na e akuerdo pa negoshá tokante un norma pa botikanan i for di esei e RRV ta Sali.
E eksperensia for di sektor di botika ta ilustrá ku gobièrnu ta mantené un maneho finansiero ku e meta di baha gastu den sektor farmaséutiko i ku a aplik’é, no un maneho di kuido pa mehora e kalidat di kuido pa esnan ku ta sigurá pa SVB i, pues pa e poblashon di Kòrsou.
Diferente ku tabata para garantia ántes i seguronan privá, no ta eksistí mas, pasobra nan klientenan ta obligá legalmente pa forma parti di BVZ. Pa esaki, e suministro di kuido pa e poblashon i tambe e entrada di sektor di botika a keda afektá negativamente atrobe.
VAE ta puntra si tin perspektiva. Durante di covid tur botika i nan personal a keda kategorisá pa gobièrnu komo sektor primario i a sòru pa kumpli ku e kuido di kalidat farmaseutiko. E botikario i su personal a hasié ku amor, deber, responsabilidat i ku kurason pa Kòrsou. NOTA: Texto ta scirbi den Papiamento fonetico di Corsou.
Telecuracao a lanta plat awe. Trahadornan a bay den accion !
WILLEMSTAD - Personal di TeleCuraçao a akudí awe mainta tempran na sede di sindikato ABVO. E trahadónan tin inkietut relashoná ku desishonnan resien di parti di maneho di e planta.
Na Corsou detenido kier a comete suicidio den cel sperando transporte pa SDKK
WILLEMSTAD - Ayera miembronan di LBD ku ta mantené órden públiko na Kas di Korte i tambe ku ta atendé ku detenidonan, a yama nan miembronan di sindikato Straf i NAPB, despues ku un detenido a sali fo’i tratamentu di su kaso i a trata na kometé suisidio.
Na Corsou a tira homber mata den porta di su cas diaranson anochi
WILLEMSTAD - Ayera nochi polis a keda dirigí pa Kaya Tamburero na Kirindongo Abou kaminda tabatin un kaso di tiramentu. Tur kos tabata indiká ku tin un hòmber den un kas, ku herida di bala i tabata sangra bastante.
Na Corsou a cera tata y yiu pa traficacion di hende
WILLEMSTAD - Un entrada hudisial dia 24 di òktober a kondusí na dos detenshon. Ta trata di tata i yu A. Nan a keda yamá ayera pa polis pa presentá kaminda interogashon a tuma lugá i segun a komprondé tambe a detené nan. E sospecho ta falsifikashon di dokumento i trafikashon di hende.
Na Corsou a cera 6 restaurant den centro comercial Sambil pa situacion a-higienico
WILLEMSTAD - Despues ku den wikènt a sera diferente establesimentu pa iregularidat manera situashon a-higiéniko i inkumplimentu ku seguridat, ayera a toka turno pa 6 mas. E bia aki e tim di kontrol a bai sentro komersial Sambil.
Barco nobo di Marina Real, “Hydrograaf”, temporalmente na Corsou y Aruba
WILLEMSTAD - Desde su ingreso na Marina aña pasá, e Hidrógrafo a konstruí rápidamente un reputashon, siendo lo último komo barku ku sistemanan avansá hidrográfiko, di nabegashon, i di komunikashon. Ku esaki e barku ta kapas di registrá ku presishon, awanan, hafnan i kanalnan di nabegashon. E kapasidat aki ta hunga un ròl esensial den nabegashon ku seguridat riba rutanan marítimo i den e mantenshon di seguridat di e awanan di Region Karibe.
Follow NoticiaCla
