Ex premier Henny Eman hospitalisa ayera anochi den condicion fragil

Ex premier Henny Eman hospitalisa ayera anochi den condicion fragil

Posted on 11/17/2023 9:28 am AST | Updated on 11/17/2023 10:12 am AST

ORANJESTAD – Partido AVP a informa diabierna mainta cu ayera anochi e promer Minister President di pais Aruba, mr. Henny Eman (75), a worde hospitalisa. Emanultimo añanan ta sufriendo cu un serie di reto cu su salud. Desde algun siman awor e confronta un cumulacion di contratiempo cu su salud. E situacion a empeora cu e mester a bai hospital ayera anochi y a keda interna. Su condicion ta keda stabiel, pero hopi fragil. Su señora y rumanan tabata cu ne te laat ayera anochi. Eman a bira Aruba su promer Minister President na aña 1986. Den seno di famia Eman e ta ruman grandi cu a yuda carga e famia na un edad hoben dor di temponan dificil cu nan tata Shon A a fayece y a laga 8 yiu un viuda atrás. Famia Eman ta keda positivo, cu poder di Dios, Henny lo por recupera for di e contratiempo aki. Noticiacla ta desea sr Eman pronto recuperacion.      

  • Powered by SETAR