Universidad di Aruba ta presenta resultado di investigacion di impacto social di COVID19

Universidad di Aruba ta presenta resultado di investigacion di impacto social di COVID19

Posted on 11/17/2023 9:22 am AST | Updated on 11/17/2023 10:02 am AST

ORANJESTAD - Na maart 2021 Universidad di Aruba, den colaboracion cu e Instituto di Investigacion y Salud Biomedico di Corsou y e universidadnan di Corsou, Sint Maarten y Utrecht, a inicia un proyecto di investigacion pa studia e impacto di e pandemia di Covid-19 riba e calidad di bida y e derechonan humano di famianan vulnerabel na Aruba, Corsou y Sint Maarten. E virus di Covid-19 tabata un di e crisisnan sanitario mas catastrofico di ultimo tempo. E virus no solamente a afecta e economia, sistema di salud y structuranan social mundial, pero e sistemanan di salud y structuranan social di Aruba tambe a ser trastorna. 

Durante e proyecto di investigacion multidisciplinario aki, e grupo di investigacion a studia e impacto social di e pandemia riba e famianan vulnerabel y di ingreso baho na Aruba, Corsou y Sint Maarten (e islanan CAS), dunando atencion specialmente na hende muher, adulto mayor y inmigrantenan indocumenta. Dentro di e estudio aki, e investigadonan a uza un enfoke basa riba derecho humano pa studia cual ta e efectonan di e acuerdonan entre Hulanda y e CAS islanan riba e derechonan humano den e Reino Hulandes. Ademas e investigadonan a studia experiencia di e famianan vulnerabel y cual recurso e famianan a uza pa forma resiliencia social.

Na Aruba a logra tene en total 27 entrevista cu e participantenan. Di e 27 entrevistanan, 6 a  ehecuta cu organisacionnan local HIAS, Cruz Cora Aruba y 2 grupo di enfoke a ser organisa hunto cu e interesadonan di gobierno y sociedad civil. Tambe a traha 3 video cortico pa por captura y compronde e experiencianan di un trahado comunitario, un dunado di cuido y un educador. Por ultimo a haci un revision di literatura riba e reaccion di e paisnan y e efectonan di e reaccionnan aki riba e normaman y proteccion legal di derecho humano.  

Na Universidad di Aruba, riba diamars dia 21 di november di 9.00 am te 1.00 pm, e grupo di investigacion lo presenta e resultado di e examen y nan recomendacionnan pa gobierno y organisacionnan local riba con pa responde na e crisisnan den futuro. Interesadonan relevante lo ta presente y lo haya e oportunidad pa reaciona riba e recomendacionnan y duna nan aporte. Entrada ta gratis. E proyecto aki a ser financia door di “the Dutch ZonMW”.

  • Malechornan ya a kibra y horta parti di luznan di pasco di Caya Grandi

    Malechornan ya a kibra y horta parti di luznan di pasco di Caya Grandi

    ORANJESTAD – Malechornan apenas algun dia despues cu gobierno a inaugural e lusnan den Caya Grandi, a destrui un parti grandi di e luznan. DOW a confirma awe cu tabata diaranson cu nan a bin ripara cu individuonan a horta luznan y ranca wayanan cu a ser poni den caya grandi. “Un situacion hopi fastioso, unda cu nos trahadornan a traha duro den dia cla y anochi pa asina nos por disfruta di e dushi temporada di fin aña cu ta acercando.

  • A.T.A. Orguyoso cu Avance di Aruba Happy One Pass

    A.T.A. Orguyoso cu Avance di Aruba Happy One Pass

    ORANJESTAD - Den aña 2022, Oficina di Turismo (A.T.A.) a uní na e proyecto innovador di Aruba Happy One Pass, den colaboracion cercano cu Ministerio di Turismo, Indicio, SITA, Departamento di Imigracion di Aruba, Aeropuerto di Aruba, y Departamento di Aviacion Civil.

  • AZV:Pashentnan di dokter Jansen ta pasa pa dokter de Lannoy ora aña bolter

    AZV:Pashentnan di dokter Jansen ta pasa pa dokter de Lannoy ora aña bolter

    ORANJESTAD - Pashentnan di dokter Marije Jansen ta pasa pa dokter de Lannoyora aña bolter. Asina AZV a anuncia diahuebs.  Dokter Marije Jansen a termina su contracto cu OE AZV. Actualmente dokter Marije Jansen su practica ta sigui brinda servicio pa medio di un waarnemer. Na mes momento ta cuminsa un dokter di cas nobo, esta dokter K. de Lannoy.  Entrante 1 di januari 2024 dokter K. de Lannoy lo brinda servicio na De La Sallestraat 45. 

  • Telefon pa Hubentud (131) ceritifica pa Child Helpline International

    Telefon pa Hubentud (131) ceritifica pa Child Helpline International

    ORANJESTAD  - Child Helpline International ta un organisacion di impacto colectivo cu 155 organisacion como miembro, cu ta duna ayudo telefonico y di internet na mucha y hoben den 133 pais y territorio rond mundo. 

  • Wind Creek Aruba Open Fishing Tournament

    Wind Creek Aruba Open Fishing Tournament

    (ADVERTORIAL)

  • Despues di e accidente, situacion di presidente di SPA Rodney Solognier ta critico pero stabiel

    Despues di e accidente, situacion di presidente di SPA Rodney Solognier ta critico pero stabiel

    ORANJESTAD – E situacion di e presidente di e sindicato di polis SPA, Rodney Solognier ta critico pero stabiel. Asina Noticiacla.com a compronde di su famia diaranson mainta. Ayera e tabata envolvi den un accidente serio unda cu su auto a dal frontal den un otro auto na altura di Koyari. Chauffeurnan di ambos auto a resulta seriamente herida ora cu nan a keda pega den nan respectivo auto y mester a keda rescata pa bomberonan prome cu nan por a wordo transporta pa hospital cu urgencia. Mester bisa tambe cu no ta conoci pa Noticiacla.com kico e estado di e señora ta, aunke a haci e intento pa haya informacion tambe. Pa loke ta Solognier, ayera mes a oper’e pa purba stabilisa su situacion. A keda cu awe mainta lo mester a bolbe opera e agente policial. Y awe mainta despues e famia a informa cu e ta ‘critico pero stabiel’. Ayera tardi alto comisario a manda un mensahe di video unda cu e ta manda palabra di sosten pa e famia y e colega, incluyendo cu e ta den oracion di henter cuerpo. Noticiacla ta manda palabra di pronto recuperacion pa tanto e señora cu a accidenta y e presidente di SPA, Rodney Solognier. Pa loke ta e accidente mes, esaki ta bou di investigacion ainda pa determina exactamente kico a sosode cu e accidente aki a tuma lugar. Potretnan ta cortesia di 24ora.com

  • Varadero
  • Powered by SETAR