- Jeon ta kibra silencio riba impasse cu Kenley Jansen
- AHATA: Reconociendo companianan pa nan contribucion impactante na Aruba
- Wardacosta: A haya un ‘yola’ bandona na Dos Playa
- Fraccion di AVP na Ministerio Publico: Conduci bo funcion, rapido, transparente y husto
- Fundacion TUI Care ta lansa TUI Sea, e programa di cambio na Aruba
Segun minister, na Corsou tin 23 caso registra di cacho cu ta morde hende of destruí propiedad
WILLEMSTAD - Kuerpo Polisial tin 23 kaso registrá te ainda di kachó ku a morde hende òf hasi daño na propiedat di hende. Asina minister di Hustisia Shalten Hato a informá parlamento ayera durante un seshon públiko di ora di pregunta riba e tópiko di kachónan peligroso. E minister a tuma nota ku últimamente polis ta atendé i solushoná mayoria di e kasonan aki.
Den e insidente ku a tuma lugá na Jongbloed kaminda kachónan a sali for di kurá di kas i morde un peaton e doño di e kachónan a disidí di distansiá di e bestianan. Entretantu a pone e kachónan drumi. Tambe e doño di e kachónan a bisa ku e ta para responsabel pa loke a pasa. E minister ta bisa ku ta trata di e rasa di kachó “pitbull terrier”. E investigashon di e kaso ta andando.
“Meskos ta konta pa kasonan di hòrtamentu di kabritu òf baka ku ta kana lòs riba kaya. A atendé ku esakinan i no tin molèster di baka mas. Mi ta orguyoso kon Kuerpo Polisial i regisornan di bario ta atendé e kasonan aki. Tambe kuerpo polisial ta sinta ku diferente otro ministerio manera Ministerio di GMN i MEO pa duna instrukshon ora ku ta kontrolá riba por ehèmpel benta di karni di kabritu. For di e informashon ku ta kompilá polis na su turno atrobe por aktua kontra aktonan kriminal.”
E minister a hala atenshon di tur doño di kachó bisando ku tur persona ta responsabel pa nan bestia. “Kuida esakinan i sòru pa nan no ta un peliger pa un otro òf bien di un otro. Mi ke rekordá tur hende ku si bo bestia hasi daño na un otro hende, abo komo doño ta responsabel. Den un kaso penal e víktima por pidi daño i perhuisio i tambe por inisiá kaso sivil pa pidi daño i perhuisio.”
Tambe e minister a para ketu na e masakre di galiña i puitu okashoná pa kachónan brabu komienso di e luna aki. E investigashon den e kaso aki tambe ta tumando lugá pa haña sa kiko a pasa eksaktamente. Ta na Ministerio Públiko pa disidí si ta inisiá un investigashon penal. E minister no por a bisa ta ki tipo di kachó a okashoná e masakre aki. Tampoko por bisa ki paso doño di e galiñanan ke tuma.
Aktualmente ta asina ku kuerpo polisial ta aktua kontra kachónan peligroso ku no ta registrá, Hato ta sigui bisa. Esaki a base di un ordenansa ku ta data for di tempu di teritorio insular Kòrsou. “E ordenansa a duna periodo di grasia promé yega na eliminashon di e rasa di kachó “pitbull” na Kòrsou. Mester a registrá e kachó i sterilisá esaki pa evitá ku e ta re produsí.”
Tabatin tambe un asina yamá “hit team” ku tabata funshoná bou di SKS ku tabata hasi kontròl, e minister ta sigui bisa. “Debí ku e kontròlnan despues di tempu no tabata tuma lugá mas manera debe ser, a disidí di invertí den regisor di bario pa atendé ku molèster di bestia tambe i pa minister sa kon ta bai aktua kontra esaki. Den barionan ku tin hopi molèster minister por disidí ku ta bini ku un periodo di grasia atrobe òf ku ta aktua mesora pa medio di un instrukshon.”
E minister ta reiterá ku tur persona ku ta doño di kachó peligroso mester tuma medida apropiá pa evitá su kachó por kousa daño na un otro òf subi propiedat. “Bo kurá mester ta bon será i si ke sali riba kaya ku e kachó e mester tin un bosal bistí i mester tene e kachó na un liña kòrtiku. E ordenansa ta bisa si un hende tin un kachó peligroso ku no ta registrá e por haña un but di máksimo 5 mil florin.”
Mas aleu e minister ta bisa aktualmente Ministerio di Hustisia ta trahando riba maneho preventivo. Ta konsientisá hende riba komportashon den tráfiko, bringamentu na skol i su konsekuensianan i tambe pa hendenan ku tin kachó peligroso konforme ordenansa. Alabes tin marshe di seguridat i prevenshon pa sigui
Na Corsou, Corte a bolbe rechasa peticion pa libera ex parlamentario “Lo” Martines
WILLEMSTAD - Ayera mainta korte di promé instansia a bolbe trata kaso di Michelangelo “Lo” Martines. No opstante petishon di su abogadonan, mester bisa ku wes un biaha mas a rechasá su petishon pa bai liber pendiente tratamentu dje kaso. T’asina ku Martines ta ser akusá di ta envolví den diferente kaso di trafikashon di droga, ku el a hasi kontakto ku esnan envolví pa organisá i koordiná un ke otro hasiendo uso di un telefòn spesial di “Sky-ECC”. Segun e akusashon, den e periodo di novèmber 2019 pa desèmber 2019 el a asumí un ròl pa organisá trafikashon un kantidat di 20 kilo di kokaina. E droga akí lo mester a yega Europa via dje kanalnan di Kòrsou, Panamá, Hulanda i Spaña. E droga a ser hinká den maleta i poné riba avion pa el a yega su destino. Kasi e mesun ‘modus operandi’ lo a ser usá den kaso di trafikashon di 100 kilo, pues hasiendo uso di e tipo di telefòn sofistiká, skondí den tas i kahanan. Pero e biaha ei e droga a pasa e ruta Kòrsou, Panamá, Bélgika. E kaso akí a tuma lugá na luna di febrüari 2020.
Na Corsou a tira homber mata awe marduga riba Helmin Wiels Blvd
WILLEMSTAD - Awe alrededor di 02.17or di mardugá sentral di polis a risibí notifikashon di un kaso di tiramentu riba Helmin Wiels Boulevard i ku probablemente tin un persona heridá.
Consulta trilateral tocante seguridad Region Caribe
WILLEMSTAD - E siman aki a tuma lugá na Kòrsou un konsulta semestral trilateral entre sosionan envolví di Defensa di Reino Hulandes, Estádos Unídos i Fransia. E konsulta periódiko ta forma parti di e “Joint Interagency Task Force South” (JIATF-S), un relashon kolaborativo internashonal i interdepartamental bou di guia Merikano, ku ta enfoká su mes riba kombatí trafikashon i kontrabanda ilegal den Region Karibe. CZMCARIB na nòmber di Reino Hulandes, ya pa mas ku 30 aña ta forma parti di e organisashon JIATF(S).
Na Corsou, tur candidato cu formador Peterson a presenta pa minister, a pasa ‘screening’
WILLEMSTAD - Chester Peterson awe a finalisá su trabou komo formadó pa Gabinete Pisas III. Awe mèrdia e la entrega su relato final na Gobernador Lucille George-Wout. Peterson den e último simannan a duna 2 reportahe preliminar di su trabou kaba na gobernador.
Tweede Kamer di Hulanda hopi preocupa cu maneho financiero di Corsou y St. Maarten
W’STAD/DEN HAAG - E komishon fiho di Relashonnan den Reino di parlamento hulandes ta insistí pa haña kontesta serka gobièrnu di Kòrsou i gobièrnu di St. Maarten dikon nan no a tene kuenta den nan presupuesto ku mester paga un fiansa ku a hasi serka Hulanda bèk. E preokupashonnan a bin dilanti durante tratamentu di e kuentanan anual 2024 di gobièrnu Hulandes. Ta trata di un suma di 205 mion florin ku Kòrsou i St. Maarten a fia na 2010 i ku mester paga bèk na òktober awor. Gobièrnu di St. Maarten i gobièrnu di Kòrsou a pidi pa refinansiá e debenan. Sekretario di estado pa Relashonnan den Reino, Zsolt Szabó, ta kouteloso den su reakshon riba e petishonnan pa re-finansiamentu i a indiká ku e ta warda riba konseho di Kolegio di Supervishon Finansiero (Cft) riba e petishonnan aki. Miembronan di e komishon di Relashonnan den Reino a hasi diferente pregunta por eskrito riba e tópiko.
CBCS: Tin posibilidad cu director ehecutivo Jardim por bandona Banco Central
WILLEMSTAD/ PHILIPSBURG – E Hunta di Supervishon di Centrale Bank van Curaçao en Sint Maarten (CBCS) a raporta e siman aki cu nan a tuma nota di relatonan recien den medionan di comunicacion. “ E Hunta di Supervicion di CBCS ta confirma cu discusionnan ta andando cu por resulta den su Director Ehecutivo, Sr. Dr. Jardim, saliendo pa drenta un instituto financiero pa motibonan professional” e banco ta bisa. “Sinembargo, cualkier declaracion cu ta sugeri cu Dr. Jardim a bandona CBCS ta premature” e banco ta sigui bisa. “Hunta di Supervision di CBCS tambe ta desea pa enfatisa cu e no ta reconoce su mes den e resto di contenido di e rapportnan aki” e banco a finalisa bisando.
Follow NoticiaCla
