Careda di entrenamiento pa Grand Prix Las Vegas a fracasa

LAS VEGAS – E prome dia di entrenamiento pa e careda di Grand Prix di Las Vegas cu ta diadomingo awor, a fracasa. Tabata den ora di marduga cu e entrenamiento por a termina, debi cu tabatin un problema riba e cayanan. Despues di 8 minuut caba mester a cancela e prome careda, debi cu e camina a resulta insigur. Un di e coredornan, Carlos Sainz a sufri daño considerable na su auto ora cu esaki a pasa riba un drenaje di awa iba e caminda cu tabata los. Esey a pone cu mester a controla tur e 100 otro tapanan y si nan tabata malo, drechanan.  Esey a tuma tempo cu a pone cu e caredanan a atrasa. Tin hopi critica di e coredornan pa e pista, ya cu ta un pista di caya, cu ta uno ‘nobo’ pa e coredornan. Pues por tin sorpresa ora di e careda principal. Ta prome biaha den hopi aña cu tin careda atrobe di auto na Las Vegas. A inverti mas di 400 miyon pa e evento aki, y hopi ta considere mas un show cu un careda. E careda ta tuma lugar den oranan laat di anochi e fin di siman aki.