DOW: A encontra vet den e pompgemaal na Palm Beach

ORANJESTAD – Diahuebs DOW a confirma cu durante nan mantencion regularnan di e pompgemaal na Palm Beach a bin encontra  vet “fresco”. Esaki ta causa cu e pompgemaal ta pega y awa di riool ta bin halto na Palm Beach, specificamente dilanti Riu Hotel. “Mesora nos a mobilisa nos team pa haciele limpi y asina evita cu awa bin halto”.

Nan a pidi un biaha mas, mas cooperacion di tur e negoshinan den e vecindario pa no tira vet of otro articulo prohibi den e sistema di riolering. “Tambe ayera nos a encontra un situacion cu awa di riool  bay over na Monserat. Nos a mobilisa nos team y akinan a bin encontra pańa cu ta pega den e sistema di riolering” e mensahe di DOW a bisa.