Aruba Birdlife Conservation a lansa campaña ‘No more hotels’

ORANJESTAD – Riba e mesun dia cu corte a dicta un sentencia na fabor di e fundacion Aruba Birdlife Conservation (ABC) unda cu ordena minister di Infrastructura pa revoca e permiso di construccion di e beach dilanti di e hotel, e fundacion a cuminsa un campaña riba medio social instagram, dirigi na gobernantenan, contra mas hotel. E campaña ta consisti di dos potret, uno di un dama den bikini cu un borchi ‘no more hotels’ y su tras ehotel strip completamente yen. E campaña mester ta den representacion di nos muchanan.

MENSAHE DI NOS MUCHANAN

Segun ABC, e ta ‘un mensahe di nos muchanan’. “Nos a pasa ‘basta ta basta’, e ta cuminsa bisa na ingles. No mas hotel, no mas condominiums, no mas Airbnb’s, no more turismo aventurero, no mas molina, no mas dunamento di beach, y no mas destruccion di naturalesa !. Segun e fundacion su mensahe,’ta tempo pa nos preserva loke a keda, pa nos naturalesa y pa e muchanan di mayan. Loke a hala atencion ta e acohida grandi cu e mensahenan a ricibi unda cu den dos dia esaki a yega 900 persona caba cu a reacciona positivo riba e postnan aki.