WEB: Tin chens di interupcion di coriente diaranson pa upgrade Recip Phase IV

ORANJESTAD – Diamars, e planta di awa WEB Aruba NV a raporta cu tin chens cu por surgi interupcion di coriente diaranson marduga ora cu haci cambio riba nan red. Specificamente entre 4:00 pa 5:00 or di madruga, ora tuma lugar na WEB, un cambio necesario den e sistema di control di motornan RECIP nobo, RECIP IV. 

UPGRADE

E proceso ta encera un ‘upgrade’ di e sistema automatico di control di e motornan y na final un test riba e planta completo. E upgrade ta necesario pa por establece comunicacion confiabel entre e sistema di control y su ‘backup.’ Pa continuidad di e sistema di distribucion di coriente, e trabounan lo tuma lugar ‘on-line,’ es decir cu e suministro di coriente lo ta den funcion mientras cu ta ehecuta e trabounan. 

POSIBILIDAD PA INTERUPCION DI CORIENTE

Semper ta keda existi un posibilidad minimo cu por surgi interupcion di coriente mirando e magnitud y riesgonan envolvi cu e trabou. E departamentonan di Produccion, Ingeniero di Aplicacion di WEB en cooperacion cu partner Wärtsilä, lo tuma tur precaucion y coordina e trabou di tal forma pa evita cualkier incidente of interupcion di coriente.