Tim Scott ta retira su candidatura pa bira presidente di Merca

WASHINGTON – Un siman despues cu e la presenta den un debate presidencial Mericano, senador republicano Tim Scott a retira su candidatura pa eleccion presidencial di Merca diadomingo. Su mesun hendenan a keda sorprendi y mester a tuma nota di su decision via television. “Mi ta kere cu e votadornan, a mandami e mensahe cla. Awor no Tim” e la bisa den un entrevista cu e cadena Fox. E no kier a bisa ken e ta endorsa, y a solamente bisa cu e votadornan mes ta sabi. Segun e agencia di prensa AP, su colaboradornan a tende riba television cu e ta retira. Un cuarto di ora prome cu e anunci, tabatin un mail ainda cu a sali cu peticion pa donacion pa su campaña. Pues ta full sorpresa su decision tabata.