Premio Excelencia Den Deporte a reconoce atletanan pa aña 2022

ORANJESTAD – E seleccion femenino di futbol di Aruba a golea e seleccion di Turks & Caicos 8-0 diahuebs. E golnan a bini di Vanessa Susanna cu 4 gol, Bonnie Lammers cu 3 gol y e debutante Stacey Lampe cu 1 gol. Dialuna dia 4 di december Aruba lo enfrenta Belize pa 3or den stadion Guillermo Trinidad. Texto y potret cortesia 297 Sports.

KRALENDIJK - E orguyo di Boneiru ta retoma su carrera como boxeador, y lo lo bay ta na Brazil riba 7 di december pa un evento trascendental. Despues di su exitoso desempeño como Wako Campeon Panamericano K1 na 2018 y Vicecampeon na 2019, Davidlee ta kibra atrobe cu su habilidad y determinacion pa pone Boneiru riba mapa deportivo mundial.

ORANJESTAD – E seleccion di futbol nacional di Aruba a gana e seleccion di Cayman Islands di un forma convincente cu e score di 5-1 dialuna atardi den stadion Guillermo P. Trinidad. Aruba a hinca su prome gol den prome 15 minuut di e wega. E di dos gol a bin den extra minuut di prome tempo. Den di dos tempo Cayman Islands ta anota nan prome gol. Pero algun rato Aruba ta bounce back cu 3-1. Den di 77 minuut Aruba ta hinca su di 4 gol y net prome cu e wega finalisa, Aruba ta hinca e di 5 y ultimo gol di partido. Potret cortesia 297 Sports. 

ORANJESTAD – Hunto cu su compañero Italiano Michele Cappelletti, E Brasilero Andre Baran a bira campeon di Beach  Tennis na Aruba derotando e duo Brasileña Fabricio Neis y Daniel Schmitt

CHRISTIANSTED – E hungadornan di seleccion di futbol di US Virgin Islands ta conciente cu nan no tin chens pa un promocion e aña aki den e liga nacional di Concacaf. Nan ta hunga contra e seleccion di Aruba awe nochi, den e capital di e isla, unda cu Aruba ta na cabez di e grupo cu 6 punto. St Vincent tin solamente un punto. Aruba a gana nan luna pasa na Aruba cu e score di 3-1 inaugurando e veld nobo di stadion Guillermo P. Trinindad. Y awe nochi e ekipo oponente tin chens di ‘tuma revancha’ aunke esaki no ta kere cu lo sosode. E wega lo tuma luga na e Bethlehem Soccer Complex, cuminsando pa 7’or ora di Aruba. Aruba ta bolbe hunga, pero na Aruba dialuna awor, contra Caymen Islands.   

ORANJESTAD – E tan anticipa Aruba Open Beach Tennis Championships ta cla pa cuminsa dia 12 di November proximo na Bushiri Beach. Ayera a tene e conferencia di prensa riba e tema., E evento aki segun organizadornan, a haya un posicion prominente den e mundo di beach tennis desde su inicio na 2012, atraendo hungadoran di 40 pais cu ta algo impresionante riba su mes. No obstante e exito di e evento, a sigui mehora esaki unda cu ta lansando un app pa e hungadornan di beach tennis, y pa publico unda cu por tin acceso na un serie di actividad via nan telefon cellular. Esaki ta inclui schedule di wega, opcion di cuminda riba e food court y mucho mas.