Prinsesa Beatrix a inicia su bishita na Aruba awe mainta

ORANJESTAD – Despues di a keda ricibi awe mainta pa Gobernador Alfonso Boekhoudt, prome minister Evelyn Wever Croes y Hellen van der Wall di DCNA, Prinsesa Beatrix a cuminsa su bishita oficialmente na ARuba diahuebs mainta. Entre e bishitanan tabatin uno na Parke di mucha Neftali, unda cu e la topa cu e directiva di Cede Aruba, y a topa un grupo di mucha. Tambe e la bishita Telefon pa Hubentud unda cu e la revela e logo nobo di e fundacion. E Prinsesa ta keda na Aruba te diabierna atardi. 

HUNGA PAFO

E prinsesa tabata kier sa mas di e posibilidad pa hunga pafo. E la bishita e parke  Neptali Henriquez y a puntra e muchanan kico nan ta haya leuk pa haci pafo. Tambe e prinsesa a scucha di e trabou di  Jantje Beton na Aruba, un fundacion di cual e ta dama protector basta aña caba.  Jantje Beton kier renova speeltuin nan den e parti Caribense di Hulanda, entre nan ARuba, y ta mira e speeltuin Neftali Henriquez como ehempel. E prinsesa a haya un tour di e director di Jantje Beton   Dave Ensberg-Kleijkers. Despues e la bay den combersacion cu algun alumno di Reina Beatrix y St Paulus School.  E muchanan y e prinsesa a papia di parke di awa, bay laman, core bicicleta y rolschaats. “Bo ta gusta rollschaats?” e prinsesa a puntra un mucha cu a bisa cu si. “Ora cu bo cay, e ora bo por cay tur banda” e prinsesa a bisa. Un di e alumnonan ta biba otro parti di Aruba. “Tin speeltuin eynan tambe?” e prinsesa a puntra. Esey no tabata asina. “Jammer” e prinsesa a bisa. “Porta bo tin cu puntra un biaha (pa baya eynnan)” e prinsesa a bisa e mucha. E bishita ta continua diahuebs atardi cu bishita na Spaans Lagoen pa mira e parti di mangrove.