- Recherche noord cu detencion den caso di posesion di arma di candela
- Diasabra vuelo inaugural di Peru cu LATAM Airlines ta yega Aruba
- Embahador di Reino Hulandes na Peru impresiona cu e forsa di marca Aruba na Peru
- Minister Ursell Arends a desvela prome stacion publico pa carga auto electrico na Aruba
- VIDEO: Minister Wever: Unico cos cu kizas por haci, ta na e suma cu DUCAPRO kier cobra pa toca musica
Dr. Busari honra cu e BIB #1 pa e di Seis Edicion di Diabetes Run & Walk
ORANJESTAD - Dr. Busari, Project Leider y Senior Researcher di Jump18, a wordo honra cu e BIB #1 di Diabetes Run & Walk 2023 pa su trabou y esfuerso continuo pa trece conscientisacion tocante obesidad y (pre-)diabetes entre muchanan.
Durante un conferencia di prensa, representantenan di Botica di Servicio y Royal Aruba Aloe a presenta e BIB #1 aki como tradicion di tur aña, cu e aña aki bayendo na Dr. Jamiu Busari.
Ademas di esaki, a duna mas informacion tocante e programa di Jump18 y e ultimo careda di e aña aki. No solamente esaki, pero tambe a trece mas conscientisacion pa cu e importancia di maneho y prevencion di diabetes tipo 1 y tipo 2 y e importancia di forma parti di e evento aki pa conscientisa pueblo tocante prediabetes pero tambe obesidad entre muchanan.
Riba diadomingo, 12 di november, e di 6 edicion di Diabetes Run & Walk lo tuma lugar na
Botica Eagle unda participantenan lo ta coriendo hunto pa recauda fondonan pa Jump18.
Jump18 su obhetivo ta pa yuda tanto muchanan como nan mayornan pa biba un bida mas saludabel, (re)educando y desafiando nan creencianan limitante. Cu e evento aki, e organisacion por recauda fondo pa iniciativonan cu ta promove e prevencion di diabetes y tambe siña personanan cu diabetes con pa maneha y tambe preveni e malesa aki di miho forma. No solamente esaki, pero tambe pa curasha y conscientisa e pueblo di Aruba tocante diabetes tipo 1 y tipo 2 en cuanto con esaki ta wordo maneha y preveni.
Pa mas informacion or registracion, bishita nan website diabetesrunaruba.com of nan Facebook Page: Diabetes Run & Walk. Tuma Nota: Ainda bo por pasa Nature's Discount pa haci bo pago completo y ricibi bo bib of pasa e diabierna aki na Botica Eage pa haci bo pago completo y ricibi bo bib y t-shirt
Aruba ta golea Turks & Caicos den futbol seleccion damas
ORANJESTAD – E seleccion femenino di futbol di Aruba a golea e seleccion di Turks & Caicos 8-0 diahuebs. E golnan a bini di Vanessa Susanna cu 4 gol, Bonnie Lammers cu 3 gol y e debutante Stacey Lampe cu 1 gol. Dialuna dia 4 di december Aruba lo enfrenta Belize pa 3or den stadion Guillermo Trinidad. Texto y potret cortesia 297 Sports.
Boxeador Boneriano Davidlee Winklaar ta brilla bek den e ring!
KRALENDIJK - E orguyo di Boneiru ta retoma su carrera como boxeador, y lo lo bay ta na Brazil riba 7 di december pa un evento trascendental. Despues di su exitoso desempeño como Wako Campeon Panamericano K1 na 2018 y Vicecampeon na 2019, Davidlee ta kibra atrobe cu su habilidad y determinacion pa pone Boneiru riba mapa deportivo mundial.
Aruba ta gana Cayman Islands facil den futbol cu score di 5-1
ORANJESTAD – E seleccion di futbol nacional di Aruba a gana e seleccion di Cayman Islands di un forma convincente cu e score di 5-1 dialuna atardi den stadion Guillermo P. Trinidad. Aruba a hinca su prome gol den prome 15 minuut di e wega. E di dos gol a bin den extra minuut di prome tempo. Den di dos tempo Cayman Islands ta anota nan prome gol. Pero algun rato Aruba ta bounce back cu 3-1. Den di 77 minuut Aruba ta hinca su di 4 gol y net prome cu e wega finalisa, Aruba ta hinca e di 5 y ultimo gol di partido. Potret cortesia 297 Sports.
André Baran y Michele Cappelletti ta campeon di Aruba Open Beach Tennis BT 400
ORANJESTAD – Hunto cu su compañero Italiano Michele Cappelletti, E Brasilero Andre Baran a bira campeon di Beach Tennis na Aruba derotando e duo Brasileña Fabricio Neis y Daniel Schmitt
Aruba ta hunga contra US Virgin Islands awe nochi den futbol pa Concacaf
CHRISTIANSTED – E hungadornan di seleccion di futbol di US Virgin Islands ta conciente cu nan no tin chens pa un promocion e aña aki den e liga nacional di Concacaf. Nan ta hunga contra e seleccion di Aruba awe nochi, den e capital di e isla, unda cu Aruba ta na cabez di e grupo cu 6 punto. St Vincent tin solamente un punto. Aruba a gana nan luna pasa na Aruba cu e score di 3-1 inaugurando e veld nobo di stadion Guillermo P. Trinindad. Y awe nochi e ekipo oponente tin chens di ‘tuma revancha’ aunke esaki no ta kere cu lo sosode. E wega lo tuma luga na e Bethlehem Soccer Complex, cuminsando pa 7’or ora di Aruba. Aruba ta bolbe hunga, pero na Aruba dialuna awor, contra Caymen Islands.
Premio Excelencia Den Deporte a reconoce atletanan pa aña 2022
ORANJESTAD - Diabierna anochi, a tuma luga Premio Excelencia den Deporte 2022 unda, cu a reconoce e atletanan cu mas a destaca den nan disciplina pa aña 2022. Un anochi magico yena cu emocion y alegria unda a honra e 130 atletanan nomina, a reconoce bintishete (27) entrenado pa nan contribucion den e desaroyo di deporte di Aruba. Tambe, a rindi homenahe na dies (10) baluarte deportivo cu a dedica gran parti di nan bida na desaroyo di deporte di Aruba. Banda di esaki, a reconoce seis (6) atleta olimpico cu a ricibi un certificado y pin di Olympians for Life (OLY) for di World Olympians Association pa nan esfuerso y pa promove e balornan olimpico.
Follow NoticiaCla
