MFK a recorda 5 aniversario di partido

WILLEMSTAD - Ayera 17 di mei 2017, Movementu Futuro Korsou a celebra su prome lustro. E dia a cuminsa cu celebracion di un santo sacrificio di misa. Miembronan i simpatisado nan di MFK a bin hunto na misa di Steenrijk pa gradici Todopoderoso pa e cinco aña nan cu a transcuri. Despues di a sigui na sede di MFK na Saliña un brindis caminda presidente y lider politico di MFK, Gerrit Schotte a hiba palabra.

CAMINDA LARGO

E partido for di momento di su lansamento, den un periodo cortico a logra gana e siguiente eleccion y pone su lider na cabes di e gobierno e tempo ey, ora cu Corsou a bira un pais na 10-10-10. Sinembargo cosnan a cambia na caminda y e lider di e partido MFK no a logra mantene e poder. Despues a sigui un serie di casonan contra dje y su hendenan, incluyendo su partner, acusando nan di varios cargo, entre nan labamento di placa y fraude. Na september proximo, e caso mes contra e lider di e partido ta tuma lugar. Esaki sinembargo no a par’e di continua cu su lucha pa un Corsou reforma.