Corte di Casacion ta trata matrimonio di mesun sexo pa Auba y Corsou diabierna

DEN HAAG – Diabierna awor, Corte di Casacion ta trata e caso entre paisnan Aruba y Corsou contra Fundacion Orguyo Aruba y Human Rights Caribbean Foundation respectivamente. Durante e casonan aki, partidonan lo presenta nan defensa verbalmente, cual por wordo sigui en vivo via un link cu corte lo pone disponible. E caso ta cuminsa pa 8’or y mei di mainta, ora di Aruba. 

DECEMBER 2022

Tabata na december di aña pasa cu Corte di apelacion a duna e respectivo fundacionan razon, unda cu por habri matrimonio di mesun sexo riba e islanan Aruba y Corsou. Pero gobierno di e respectivo islanan algun luna despues a dicidi di bay e corte mas halto cu ta Hoge Raad (Casacion) pa bringa esaki. Y awor, casi un aña despues, e caso ta bin dilanti. No ta conoci ki dia despues, lo dicta sentencia.