Prinses Beatrix ta yega Corsou awe pa un bishita hopi ocupa

WILLEMSTAD - Prinses Beatrix ta yega Corsou awe despues di 2 aña atrobe. E prinses di 85 aña ta yega awe merdia ora di Corsou y ta keda e isla te diahuebs mainta ora cu e sali pa Aruba. E ultimo bishita di e prinses tabata na November 2021. E bishita ta den cuadro di proteccion di e sistema ecologico y iniciativanan social. E tin un programa hopi ocupa cu ta cuminsa diamars bishitando un landhuis, Christofelpark, y tambe Parke Nacional Shete Boca y despues diaranson  Rif St. Marie-Hermanus. Tambe e ta bishita un parti di Otrabanda unda cu hende ta cria fruta y berdura. Diahuebs e ta bula pa Aruba unda cu e ta bishita, entre otro Kinder Telefoon, areanan natural manera Parke Nacional. E ta termina su bishita diabierna cu un simposio di Dutch Caribbean Nature Alliance (DCNA), di cual e ta e dama protectora.