- Recherche noord cu detencion den caso di posesion di arma di candela
- Diasabra vuelo inaugural di Peru cu LATAM Airlines ta yega Aruba
- Embahador di Reino Hulandes na Peru impresiona cu e forsa di marca Aruba na Peru
- Minister Ursell Arends a desvela prome stacion publico pa carga auto electrico na Aruba
- VIDEO: Minister Wever: Unico cos cu kizas por haci, ta na e suma cu DUCAPRO kier cobra pa toca musica
Registra awo pa e di Seis Edicion di Diabetes Run & Walk
ORANJESTAD - Otro siman diadomingo, 12 di november, e di 6 edicion di Diabetes Run & Walk lo tuma lugar na Botica Eagle unda participantenan lo ta coriendo hunto pa recauda fondonan pa Jump18. E Run & Walk, presenta door di Botica di Servicio, Royal Aruba Aloe, y Subway, ta casi sold out, dus segura bo lugar awo via www.diabetesrunaruba.com!
Jump18 ta un organisacion di hobennan profesional di salubridad na Aruba y un pediatra cu ta desaroya un iniciativo practico pa capacita e muchanan y nan mayornan pa mehora nan salud y bienestar. Jump18 su obhetivo ta pa yuda tanto muchanan como na mayornan pa biba un bida mas saludabel, (re)educando y desafiando nan creencianan limitante.
Dr. Jamiu Busari, hunto cu su team di profesionalnan, ta uni hunto pa asina brinda un programa di 6 luna pa muchanan asina ricibi workshops y siña con pa come saludabel, ta den movecioon constante y otro workshops pa asina trece mihor calidad di bida na tanto e muchanan como henter famia.
Cu e evento aki, e organisacion por recauda fondo pa iniciativonan cu ta promove e prevencion di diabetes y tambe siña personanan cu diabetes con pa maneha y tambe preveni e malesa aki di miho forma. No solamente esaki, pero tambe pa curasha y conscientisa e pueblo di Aruba tocante diabetes tipo 1 y tipo 2 en cuanto con esaki ta wordo maneha y preveni.
Diabetes ta sigui ta un problema serio riba e isla di Aruba, di cual e porcentahe di personan cu diabetes ta casi dobel e porcentahe di e populacion mundial cu tin diabetes. E mitad di pashent cu diabetes no ta ni na altura cu nan tin e malesa y no ta ricibi e atencion medico cu nan mester. Durante varios añanan, Botica di Servicio, hunto cu otro instancianan, a uni man den trece conscientisacion di diabetes riba e isla di Aruba.
E aña aki, Diabetes Run & Walk 2023 ta na expectativa di ricibi 1.500 personanan pa participa den e di seis edicion y asina contribui na e causa di diabetes riba e isla di Aruba y contribui na e prevencion di diabetes entre nos muchanan.
- Pa registra, bishita nos website https://diabetesrunaruba.com/ of scan e QR code.
- Check out e Facebook page na “Diabetes Run & Walk” https://www.facebook.com/diabetesrunaruba pa mas informacion y updates
- Subscribe na nos newsletter pa ta up-to-date cu tur e informacon tocante e careda y otro contenido http://eepurl.com/dJTVfs
Aruba ta golea Turks & Caicos den futbol seleccion damas
ORANJESTAD – E seleccion femenino di futbol di Aruba a golea e seleccion di Turks & Caicos 8-0 diahuebs. E golnan a bini di Vanessa Susanna cu 4 gol, Bonnie Lammers cu 3 gol y e debutante Stacey Lampe cu 1 gol. Dialuna dia 4 di december Aruba lo enfrenta Belize pa 3or den stadion Guillermo Trinidad. Texto y potret cortesia 297 Sports.
Boxeador Boneriano Davidlee Winklaar ta brilla bek den e ring!
KRALENDIJK - E orguyo di Boneiru ta retoma su carrera como boxeador, y lo lo bay ta na Brazil riba 7 di december pa un evento trascendental. Despues di su exitoso desempeño como Wako Campeon Panamericano K1 na 2018 y Vicecampeon na 2019, Davidlee ta kibra atrobe cu su habilidad y determinacion pa pone Boneiru riba mapa deportivo mundial.
Aruba ta gana Cayman Islands facil den futbol cu score di 5-1
ORANJESTAD – E seleccion di futbol nacional di Aruba a gana e seleccion di Cayman Islands di un forma convincente cu e score di 5-1 dialuna atardi den stadion Guillermo P. Trinidad. Aruba a hinca su prome gol den prome 15 minuut di e wega. E di dos gol a bin den extra minuut di prome tempo. Den di dos tempo Cayman Islands ta anota nan prome gol. Pero algun rato Aruba ta bounce back cu 3-1. Den di 77 minuut Aruba ta hinca su di 4 gol y net prome cu e wega finalisa, Aruba ta hinca e di 5 y ultimo gol di partido. Potret cortesia 297 Sports.
André Baran y Michele Cappelletti ta campeon di Aruba Open Beach Tennis BT 400
ORANJESTAD – Hunto cu su compañero Italiano Michele Cappelletti, E Brasilero Andre Baran a bira campeon di Beach Tennis na Aruba derotando e duo Brasileña Fabricio Neis y Daniel Schmitt
Aruba ta hunga contra US Virgin Islands awe nochi den futbol pa Concacaf
CHRISTIANSTED – E hungadornan di seleccion di futbol di US Virgin Islands ta conciente cu nan no tin chens pa un promocion e aña aki den e liga nacional di Concacaf. Nan ta hunga contra e seleccion di Aruba awe nochi, den e capital di e isla, unda cu Aruba ta na cabez di e grupo cu 6 punto. St Vincent tin solamente un punto. Aruba a gana nan luna pasa na Aruba cu e score di 3-1 inaugurando e veld nobo di stadion Guillermo P. Trinindad. Y awe nochi e ekipo oponente tin chens di ‘tuma revancha’ aunke esaki no ta kere cu lo sosode. E wega lo tuma luga na e Bethlehem Soccer Complex, cuminsando pa 7’or ora di Aruba. Aruba ta bolbe hunga, pero na Aruba dialuna awor, contra Caymen Islands.
Premio Excelencia Den Deporte a reconoce atletanan pa aña 2022
ORANJESTAD - Diabierna anochi, a tuma luga Premio Excelencia den Deporte 2022 unda, cu a reconoce e atletanan cu mas a destaca den nan disciplina pa aña 2022. Un anochi magico yena cu emocion y alegria unda a honra e 130 atletanan nomina, a reconoce bintishete (27) entrenado pa nan contribucion den e desaroyo di deporte di Aruba. Tambe, a rindi homenahe na dies (10) baluarte deportivo cu a dedica gran parti di nan bida na desaroyo di deporte di Aruba. Banda di esaki, a reconoce seis (6) atleta olimpico cu a ricibi un certificado y pin di Olympians for Life (OLY) for di World Olympians Association pa nan esfuerso y pa promove e balornan olimpico.
Follow NoticiaCla
