PFTSA: Proyecto di Cas na Jan Fleming ta cla

ORANJESTAD - E Proyecto di Cas na Jan Fleming, un iniciativa di PFTSA, e Pension Fund Tourism Sector a keda

entrega door di PFTSA y notario, na doñonan cu a haya nan yabi di e prome casnan na Jan

Fleming. Segun directora di PFTSA, Sanaa Baroud, nan ta orguyoso pa entrega e prome casnan na Jan

Flemming. A firma e 4 hipotecanan di 4 famia. Pa final di e luna aki e famianan lo ta bibando den

nan caba. Ta un proyecto cu PFTSA ta hopi orguyoso di tin. E ta un parti di inversion cu nan kier

duna bek na nan participantenan.

Baroud ta sigui splica cu no ta un secreto, caminda cu por haya bon inversion, cual ta dificil den e

temporada aki pa duna un bon interes. Esaki toch a logra pa duna e miembronan riba un interes

na 6.5% y ta un inversion sigur pa e fondo. Ta e miembronan mes ta haya e hipoteca aki y ta

haya e pago bek via nan salario di trabao.

Ta bayendo riba pasonan lento cu e fondo. E proyecto aki tin 11 cas y tin 8 bendi y nan kier caba

di bende e otro 3nan. E posibilidad tey semper pa por sigui, segun Baroud.

Cada cas, e participante por cunt'e, entre 180 pa 240 mil florin, depende e grandura di cas y

tambe grandura di tereno, cual ta tereno propio. Locual cu a wordo haci ta cu nan a cumpra e

terenonan aki eigendom, parti'e den 11 lot y duna e participantenan e oportunidad pa nan por tin

nan mesun cas. PFTSA mes ta construi y den 6 luna di tempo ta entrega e casnan.

Mirando e miembronan, kizas otro proyectonan di otro barionan por wordo complementa den

futuro. Baroud a splica cu esaki tabata un test pa PFTSA con e ta bay y kico e demanda eyfo ta y

por bisa cu e demanda ta grandi.

PFTSA tin un edificio cu nan a inverti den dje, cual ta e edificio di landslaboratorium di Eagle.

Awor aki a purba algo otro cu ta e casnan na Jan Flemming. PFTSA ta keda explora, segun

Baroud.

Awor aki e fondo tin un total di 7000 miembro afilia. Esaki a keda demostra cu tin un interes

grandi pa loke ta fondo di pensioen. E sector hotelero ta un sector grandi y a invita tur compania

cu no tin pensioen y cu ta cay bao di sector turistico, pa tuma contacto cu PFTSA y asina nan por

haya mas detaye y servicio. PFTSA ta gradici nan contratista, miembronan cu a deposita nan confianza den e fondo, cu a duna nan e oportunidad pa haci nan soño realidad door di traha nan "Dreamhome" y logicamente

e hunta directiva di Pensioen Fund Tourism Sector Aruba, cu tin e confianza pa e fondo si por a

logra un proyecto asina aki, Baroud a finaliza.