OM: Polis a detene sospechoso di notificacion falso di bom

Posted on 11/2/2023 2:48 pm AST | Updated on 11/2/2023 2:50 pm AST

ORANJESTAD – Ministerio Publico diahuebs a confirma cu awe mainta a detene un sospechoso cu siman pasa diabierna a haci un notificacion falso di un bom na Holiday Inn hotel. Mientras cu OM no ta menciona inicial ni nomber di e persona, nan ta confirma cu e ta un persona trahado di e dicho hotel. Segun e medio 24ora.com, ta raporta cu ta trata di e persona N. Tromp. Noticiacla independientemente no por a confirma esey si. NOTA: E potret ta di archivo di noticiacla procedente di KPA, y no necesariamente ta di e persona deteni en cuestion, pero ta usa como ilustracion di un detencion.

Turista ta bira di 9 morto di trafico di Aruba
ORANJESTAD - Diabierna anochi pa 07:11 central di polis ta wordo notifica di un accidente grave na altura di Citgo Savaneta. Un auto mester a alcansa dos peaton. Na yegada di patruya na e sitio di e sucedido, ta pidi pa ambulance cu maximo urgencia mirando e situacion di un di e victimanan.
Mas Polis
Lesa Mas
Recherche noord cu detencion den caso di posesion di arma di candela
ORANJESTAD - Awe durante dia e departamento di Recherche Noord conhuntamente cu Team di Aresto a haci un entrada hudicial na un cas na Seroe Patrishi. E caso aki ta enconexion cu posesion di arma di candela. Durante e entrada hudicial a detene e homber sospechoso C.T. . Na e cas a bin encontra cu basta droga como tambe municion. Investigacion ta andando y no ta descarta cu lo tin mas detencion. Cuerpo Policial ta haci un apelacion pa esnan cu sa algo of a wak algo yama e tiplijn di polis cu ta 11141. Bo ta keda anonimo.
Mas Polis
Lesa Mas
Atraco team a detene sospechoso y confisca arma di candela na Bushiri
ORANJESTAD - Awe mainta Atraco Team un biaha mas a haci un detencion na Bushiri. Ta asina cu den oranan tempran di mainta Atraco Team hunto cu Team di Aresto a haci un entrada hudicial na un cas na Bushiri. Presente na e accion tabata tin tambe personal di Flex Team y K-9.
Mas Polis
Lesa Mas
Dos hoben deteni pa arma di candela
ORANJESTAD - Awe un poco prome cu merdia Atraco Team a haci un detencion den Pos Chiquito. Esaki tin di haber cu investigacion tocante un arma di candela cu a wordo haya na Surfside Marina algun siman atras. Na momento di e detencion e sospechoso tabata cu un persona den auto y a purba core pa polis pero no a logra y a wordo deteni mesora.
Mas Polis
Lesa Mas
Hobennan deteni pa posicion di arma di candela
ORANJESTAD - Recientemente a sosode un caso cu patruya policial a para un auto pa control na altura di Ierlandstraat. Na dado momento un mucha homber a sali for di e auto y core bay for di e sitio. Despues a haya arma di candela scondi den un cura di un cas den sercania.
Mas Polis
Lesa Mas
Wardacosta a gara piscadornan Venezolano piscado illegal cu palambra
ORANJESTDAD - E Centro di Operacion Maritimo di Wardacosta a detecta dos contacto sospechoso den awanan di Aruba. Na yegada di Wardacosta pa hasi control di e botonan a nota cu tur dos tawata boto procedente di Venezuela cu tawata piscando ilegal den awanan di Aruba. E botonan tawata usa e sistema di pisca cu palambra, cual tambe ta yama ‘long-lines’. E sistema aki ta prohibi pa usa pa leynan di Aruba.
Mas Polis
Lesa Mas