Premier Wever no a logra acuerdo ainda cu van Huffelen na Den Haag

DEN HAAG - Prome Minister Evelyn Wever-Croes a reuni ‘atrobe’ cu secretario di estado Hulandes demisionario Alexandra van Huffelen, durante su bishita cortico na Hulanda. E ta ketobay purbando di keda cla cu e tema di refinanciamento di e debe di Covid, y e ley di LAFt. Mientras cu ta bisa solamente cu e reunion ‘a bay bon’, no a yega na ningun palabracion ainda, mientras cu e holoshi ta canando. Dentro di e dianan aki, mester keda cla cu esaki pa por cumpli cu e exigencianan di Hulanda esta di pasa e cambionan prome cu fin di aña. Siman pasa diabierna RMR no a aproba e ley ainda, pasobra tin mas cambio pendiente. Por compronde cu ta riba e tema aki a papia ayera atrobe, pero nada ainda di un resultado.