Debi na awacero pisa marduga, hopi lugar na Corsou a keda bou awa

WILLLEMSTAD - Awaseru a kai bastante for di ayera nochi, kompañá pa bos ku welek i den oranan tempran nèt promé ku solo sali un bia mas e intensidat di Áwaseru a oumentá. Area di Saliña un bia ta entre esnan ku a haña basta awa i a krea situashon difísil. Awe mainta e skol sekundario Albert Schweitzer na Saliña mester a studiantenan kas pa asina duna espasio na e tim di limpiesa pa limpia klasnan ku tabata bou di awa.

Áwaseru a kuminsá kai for di djaluna anochi na diferente área di Kòrsou. Por a tuma nota di welek ku un intensidat bastante haltu rònt Kòrsou i sigur na e parti sùit di nos isla. E desaroyo di bos ta kousa miedu serka abitantenan segun por tuma nota di komentarionan riba retnan sosial.

For di ayera nochi lusnan di tráfiko na Biesheuvel no tabata traha, miéntras ku roinan prinsipal den área di Monte Carmelo komo Brievengat, ku tabatin basta sushi, a yena i e situashon a bira fèrfelu. Apesar di hopi konsientisashon hendenan no ta komprondé ku ora yena sushi den roi, e problema ta bini pa e bario mes bèk.

Den área di Montaña tambe a konfrontá problema ora ku roinan no por a akapará e kantidat di awa i asina a sosodé ku tin kas ku a yena ku awa. Bastante área kas i empresanan lo tin problema ku suministro di internèt.

NOTA: Texto ta scirbi den Papiamento fonetico di Corsou.